Albenese um hugmyndir Trumps um flutning Gaza-búa: „Það sem hann leggur til er… kjaftæði“

„Þetta er ólög­legt, sið­laust og algjör­lega óábyrgt,“ segir Francesca Albanese, sér­stakur skýrslu­gjafi Sam­ein­uðu þjóð­anna um hernumdu palest­ínsku land­svæðin, þegar hún er spurð um til­lögu Trumps Banda­ríkja­for­seta um að fjar­lægja Palest­ínu­menn frá Gaza og láta Banda­ríkin taka eign­ar­haldið.

„Það sem hann leggur til er… kjaftæði,“ sagði Albanese á blaða­manna­fundi í Kaup­manna­höfn, höf­uð­borg Dan­merkur. „Það mun gera krepp­una á svæð­inu enn verri.“

„Þetta er hvatn­ing til að fremja nauð­ung­ar­flutn­inga, sem er alþjóð­legur glæpur,“ bætti hún við. „Alþjóða­sam­fé­lagið sam­anstendur af 193 ríkjum og þetta er tím­inn til að gefa Banda­ríkj­unum það sem þau hafa leitað að: ein­angrun.“

Friður ekki mögulegur án frelsis

Albanese svar­aði einnig spurn­ingum um hvort efna­hags­þró­un­ar­á­ætl­anir á Gaza gætu verið hvati að lang­tíma­friði.

Í of langan tíma, sagði hún, „hefur alþjóða­sam­fé­lagið með­höndlað mál­efni Palest­ínu eins og eitt­hvað sem hægt er að stjórna til fram­búðar með þró­un­ar­að­ferðum, efna­hags­legum hvata og hvetj­andi vexti … eða stjórnað því sem mann­úð­ar­ferli“.

„Í hrein­skilni sagt … það virkar ekki,“ sagði hún.

„Auðvitað verður efna­hags­þróun að eiga sér stað,“ bætti Albanese við, „en ekki á kostnað grund­vall­ar­rétt­inda og frelsis, sem Ísrael, Banda­ríkin og aðrir virð­ast búast við að Palest­ínu­menn muni sætta sig við.

„Friður í gegnum efna­hags­þróun er vænt­ing um upp­gjöf og það mun ekki virka,“ sagði hún. „Eina leiðin til að stöðva ofbeldið er að gefa friði tæki­færi með frelsi.

Eft­ir­spurn eftir vinnu­afli

Ísra­elska rík­is­út­varpið Kan vitnar í ráð­herr­ann Ze’ev Elkin sem seg­ist telja að Palest­ínu­menn frá Gaza myndu sam­þykkja að flytja búferlum ef þeim yrði kynnt við­eig­andi „end­ur­hæf­ing­ar­á­ætlun ein­hvers staðar ann­ars staðar í heim­inum“.

„Það er tals­verð eft­ir­spurn eftir vinnu­afli,“ bætti Elkin við og gaf í skyn að Palest­ínu­menn myndu hafa betri atvinnu­tæki­færi utan svæð­is­ins.

Yfirvöld í bæði Egypta­landi og Jórdaníu hafa þver­tekið fyrir beiðni Trumps um að taka við Palest­ínu­mönnum frá Gaza og svarað því til að þeir myndu ekki taka þátt í „nauð­ung­ar­flutn­ingum“.

Elkin lagði hins vegar til að Banda­ríkin gætu beitt áhrifum sínum til að virkja arabaríkin til að fylgja áætlun sinni. „Banda­ríkin hafa áhrif á Jórdaníu og Egypta­land, sem fá stærstu aðstoð í heimi á eftir okkur,“ sagði Elkin, sem sér um end­ur­reisn norð­ur­hluta Ísraels eftir átök Ísraela við Hizbollah í Líbanon.