Ekki fór dansleikur á Borgarnesi betur en svo en að lögreglubíll var grýttur og brotist var inn í sælgætissjoppu. Slíkt var fylleríið að lögreglumönnum blöskraði.
Á dögunum sagði Mannlíf frá skálmöld sem ríkti á Seyðisfirði árið 1975 þar sem hópur unglinga gengu hálfgerðan berserksgang um bæinn en hinn fallegi Seyðisfjörður var ekki eini bærinn þar sem skrílslæti gerði lögregluna hvumsa árið 1975 því í Baksýnisspegli kvöldsins segjum við frá hneykslun lögreglunnar í Borgarnesi vegna fyllerísláta í gestum dansleikjar á staðnum. Sláturtíð stóð þá hvað hæst og margir í bænum og mikil drykkja í gangi. Fór svo að lögreglubíllinn var grýttur og brotist var í sjoppu sem seldi sælgæti en lætir stóðu yfir fram á morgun. Furðaði lögreglan sig á því að hækkun á áfengisverði hafi ekki haft nein áhrif á dansleikjagesti, þvert á það sem gerðist í Reykjavík.
Hér má lesa frétt Dagblaðsins um skrílslætin í Borgarnesi í september 1975:
Borgarnes: Þar hefur áfengishœkkun ekkert að segja
LÖGREGLUBÍLL GRÝTTUR,- HÁREYSTI OG SKRÍLSLÆTI
Lögreglubíllinn í Borgarnesi var grýttur aðfaranótt sunnudagsins og drykkjuskapur, háreysti og skrílslæti voru fram á morgun, að sögn lögreglunnar þar. „Hér er stórvaxandi ölvun og vandræði af fylliríi”, sagði lögreglumaður i Borgarnesi i viðtali við DAGBLAÐIÐ. „Það er þveröfugt við þá reynslu, sem heyrzt hefur að sé í Reykjavík. Hér verður þess ekki vart, að hækkað verð dragi úr áfengisneyzlu. Þvert á móti. Hér stendur sláturtíðin sem hæst og kom fólk hingað hvaðanæva á dansleik, sem haldinn var í samkomuhúsinu á laugardaginn. Þar var brotin upp sælgætissala og fleiri spellvirki unnin. Lögreglumenn telja engan vafa á því, að opinn bar hefur haft áhrif til stóraukins drykkjuskapar í plássinu. Í Borgarnesi eru fangaklefar fyrir 4 menn og voru þeir fljótt fullsetnir á laugardag. 4-6 þúsund króna sektir fyrir ölvun og óspektir virðast ekki hafa nein áhrif á þá, sem mest láta að sér kveða.
Baksýnisspegillinn
Íslendingur kom upp um rússneska njósnara: „Tveir af njósnurum erlends stórveldis stóðu afhjúpaðir“
Glitfaxi – flugvélin sem hvarf: „Hún reyndi hvað hún gat að telja afa hughvarf“
Frækileg björgun Víkverja er Sigurbjörg strandaði – Aðstæður erfiðar vegna roks og sandbyls
Tveir ungir skátar urðu úti í Eyjafirði – Þrír aðrir lifðu af, mjög þrekaðir
Hópur afbrotaunglinga nappaður á Sauðárkróki – Innbrot, búðar- og jólaskrautsþjófnaður
Athugasemdir