Aðgerðarsinni reyndi að stela senunni þegar rapparinn Kendrick Lamar tróð upp í hálfleik Ofurskálarinnar sem haldin var í New Orleans í Louisiana-fylki Bandaríkjanna.
Maður, sem ekki hefur verið nafngreindur hljóp inn á svæðið þar sem dansarar sem fylgdu Lamar í atriði hans, og veifaði fána Palestínu og Súdan og hljóp fram og til baka, þar til hann var tæklaður af öryggisvörðum.
Atvikið átti sér stað undir lok skemmtunar Lamars, á meðan hann söng lagið tv off. Í myndskeiði sem náðist af gjörningnum sést maðurinn, sem huldi hálft andlit sitt, stíga upp á faratæki sem Lamar mætti á sviðið með, og veifa fánanum óspart. Eftir að hafa hlaupið um sviðið og grasvöllinn um stund var hann að lokum tæklaður í grasið og dreginn í burtu.
Samkvæmt TMZ er óvíst hvort maðurinn hafi verið hluti af atriði Lamars, þar sem þó nokkrir dansarar klæddust svipuðum fötum og maðurinn var í.
Hér má sjá myndskeið af atvikinu.
UPPFÆRT: Samkvæmt nýjustu fréttum var um dansara í atriðinu að ræða en ekki boðflennu.
Mótmæli
Slóvakar minnast morðsins á rannsóknarblaðamanninum Ján Kuciak: „Slóvakía er Evrópa“
Aðalmeðferð máls mótmælenda gegn íslenska ríkinu hefst á föstudag – Hvetja fólk til að fjölmenna
Fimm samtök boða mótmæli við bandaríska sendiráðið: „Ofbeldið læðist að okkur eins og þoka“
Fjölmargir mættu á kröfufund til stuðnings Palestínu: „Helför Ísraels á Gaza verður að stöðva!“
Kröfufundur vegna þjóðarmorðsins í Palestínu í dag: „Nú er komið að því að efna gefin loforð!“
Athugasemdir