Nemandi í Reykja­nes­skóla við Ísa­fjarð­ar­djúp rétti mat­reiðslu­meist­ara skól­ans kjafts­högg og nef­braut hann árið 1989 en fjallað var um málið í DV og Bæjarins Besta.

DV greindi fyrst frá atvik­inu en nem­and­inn var ekki rek­inn eftir höggið en sækja þurfti bryt­ann með skipi og koma honum undir lækn­is­hendur á Ísafirði. Honum var síðar sagt upp en það var Skarp­héð­inn Ólafsson skóla­stjóri sem gerði það.

„Það er sannað að bryt­inn lagði hendur á nem­endur oftar en einu sinni og eitt sinn fékk hann nem­enda til að berja frá sér og þegar sá nem­andi losn­aði þá nef­braut hann kokk­inn. Brytinn er sá eini sem hefur lagt hendur á nem­endur og þegar þannig er þá tel ég ekki hægt að hafa slíkt starfs­fólk,“ sagði Skarp­héð­inn við Bæjarins Besta. Heiðar Guð­brands­son var umræddur bryti og hann var allt annað en sáttur með ummæli Skarp­héð­ins og fór í meið­yrða­mál við hann.

Neitaði öllu

„Því er haldið fram af nem­endum að ég hafi valdið meiðslum á einum þeirra,“ sagði Heiðar við Bæjarins Besta. „Ég neita að hafa valdið þessum meiðslum og hef grun um að þau hafi komið til áður en til þess kom að ég fjar­lægði nem­and­ann úr borð­salnum dag einn í vor. Skóla­stjór­inn gerði engar athuga­semdir við það mál þá. Ég fór fram á rann­sókn á til­drögum þess atburðar og afleið­ingum en því var hafnað. Ástandið hér í vetur hefur verið þannig að hér er engum aga haldið uppi og raunin er sú að börnin stjórna skól­anum. Þetta hef ég bent skóla­stjóra á en án árang­urs. Hér komu menn frá ráðu­neyt­inu til að kanna ástandið og skóla­stjór­anum bár­ust athuga­semdir frá ráð­herra eftir það en ekk­ert breytt­ist. Þá hefur skóla­stjóri einnig haft ýmis­legt við það að athuga að ég tók við bók­haldi mötu­neyt­is­ins að beiðni skóla­nefndar fljót­lega eftir að ég hóf störf. Þetta er alveg lýsandi fyrir sam­skipti skóla­stjór­ans við starfs­fólk hér en engu að síður hyggst ég sækja um aftur í haust,“ sagði Heiðar.

Heiðar vann málið í und­ir­rétti en Skarp­héð­inn áfrýj­aði mál­inu til Hæsta­réttar og var sýkn­aður af öllum kröfum.