Hópur afbrotaung­linga var hand­samaður á Sauð­ár­króki í des­em­ber árið 1980 en höfðu þeir þá stolið úr versl­unum í bænum fyrir hátt á fjórðu milljón króna.

Í ein­hvern tíma á seinni­hluta árs­ins 1980, hafði stór hópur afbrotaung­linga á Sauð­ár­króki gert það sem „starfs­heiti“ þeirra ber með sér, framið afbrot víðs­vegar um bæinn. Ekki höfðu þeir ein­ungis brot­ist inn í versl­anir í hinum fagra bæ, á nótt­unni, heldur stálu þeir einnig vörum úr búðum á dag­inn. Þá lögð­ust þeir svo lágt eina nótt­ina eftir að jóla­skraut hafði verið hengt upp af bænum í aðal versl­un­ar­götu Sauð­ár­króks, að stela öllum jóla­ljósum nótt­ina á eftir.

Lög­reglan hafði að lokum hendur í hári þriggja ung­linga en talið var að hóp­ur­inn væri mun stærri, eða um 15 manns. Tekið var sér­stak­lega fram í frétt Dag­blaðs­ins um málið, að tveir þeirra sem napp­aðir voru, hafi verið einn verið heima­maður og tveir aðkomu­menn frá Blöndu­ósi og Skaga­strönd.

Hér má lesa frétt Dag­blaðs­ins frá 18. des­em­ber 1980:

Hópur afbrotaung­linga gómaður á Sauð­ár­króki:

Stöðug inn­brot, þjófna­öir og skemmd­ar­verk

fundið þýfi skiptir millj­ónum króna. Bæði aðkomu­ung­lingar og heima­menn í hópnum

Lög­reglan á Sauð­ár­króki kom upp um afbrota­hring ung­linga i bænum í síð­ustu viku. Hópur þessi hefur þrá­fald­lega brotizt inn í verzlanir að næt­ur­lagi, stolið úr búðum á dag­inn og unnið skemmd­ar­verk í bænum. Að sögn Guð­mundar Páls­sonar lög­reglu­þjóns á Sauð­ár­króki í morgun, hefur fundizt þýfi fyrir á fjórðu milljón. Þar af hefur fundizt þýfi úr Radíó- og sjón­varps­þjón­ust­unni fyrir u.þ.b. 2,7 millj­ónir króna. Aðallega hafa staðið fyrir inn­brot­unum þrír aðkomu­ung­lingar, sem búið hafa sér í íbúð með nokkrum öðrum. Hópurinn er þó mun stærri og taldi Guð­mundur að alls hefðu um 15 ung­lingar staðið að þjófn­uð­unum og skemmd­ar­verk­unum, bæði aðkomu­ung­lingar og heima­menn. „Það er óhætt að segja að það hafi verið mikið að gera í alls konar þjófn­uðum og inn­brotum hér að und­an­förnu,” sagði Guð­mundur. Talið er að þrír þeir iðn­ustu hafi brotizt í allt 12 sinnum inn í Radíó og sjón­varps­þjón­ust­una. Þá brut­ust þeir einnig inn í verzlunina Rafsjá. Ung­linga­hóp­ur­inn lét einnig greipar sópa í verzlunum kaup­fé­lags­ins að degi til, verzluninni Tinda­stóli, byggingarvöruverzlun og hót­el­inu. Þýfið er hið fjöl­breyti­leg­asta, verk­færi, hljóm­flutn­ings­tæki, hljóm­plötur, kjöt og harð­fiskur svo nokkuð sé nefnt. Aðal verzlunargatan á Sauð­ár­króki var lokuð umferð á laug­ar­dag og umhverfi skreytt með jóla­ljósum og jólatrjám. Ung­ling­arnir tóku sig hins vegar til aðfara­nótt sunnu­dags og stálu öllum jóla­ljós­unum og nokkrum jólatrjám. Ung­ling­unum var sleppt að lok­inni yfir­heyrslu. Aðkomu­pilt­arnir eru frá Blöndu­ósi og Skaga­strönd, en ekki liggur fyrir hvenær þjófn­að­irnir hófust. Vegna mik­illa anna lög­regl­unnar að und­an­förnu liggur lög­reglu­skýrsla ekki fyrir.