„Ég hef dílað við margt erfiðara en þetta í lífinu“

Bára Hall­dórs­dóttir, upp­ljóstr­ar­inn í Klaust­ur­mál­inu svo­kall­aða, hefur verið boðið til þing­halds í Hér­aðs­dómi Reykja­víkur á mánu­dag­inn. Bréf þess efn­ist fékk hún í gær. Bára seg­ist finna fyrir miklum stuðn­ingi frá fólki í kringum sig.

„Stuðn­ing­ur­inn sem ég hef fundið fyrir er alveg svaka­legur, alveg ynd­is­legur. Ég hef fengið alveg hrúgu af fal­legum skila­boðum, bæði frá fólki sem ég þekki og þekki ekki. Það eru allir voða­lega góðir við mig. Fólk er aug­ljós­lega sátt með mig,“ útskýrir Bára. „Ég hef alla­vega ekki enn þá hitt neinn sem er ósáttur við ákvörðun mína um að taka sam­tölin upp, fyrir utan aug­ljósa aðila.“

Á fund með lögfræðing í dag

Spurð út í hvort hún sé stressuð fyrir mánu­deg­inum segir Bára: „Ekki beint, ég ætti örugg­lega að vera miklu stress­aðri en ég er. En ég er bara eitt­hvað svo venju­leg mann­eskja. Ég lifi svo venju­lega lífi og hef meiri áhyggjur af því að mæta til læknis á réttum tíma og svo fram­vegis,“ segir Bára sem á fund með lög­fræð­ingi í dag.

„Hún [lög­fræð­ing­ur­inn] mun segja mér hverju ég þarf að hafa áhyggjur af. Og hvað ég á að gera.“

Bára tæklar hlut­ina greini­leg með jákvæði að vopni. „Þetta hlýtur að leys­ast eins og allt annað í líf­inu. Við sjáum bara hvernig fer. Ég hef dílað við margt erf­ið­ara en þetta í líf­inu.“

Sjá einnig: Upp­ljóstr­ar­inn af Klaustri stígur fram