Sigur VÆB-bræðra í Söngvakeppn­inni hefur ekki farið fram­hjá fólki í Ísrael en þeir bræður voru sak­aðir af laga­höf­und­inn Ofir Cohen að hafa stolið lagi hans. Í sam­tali við Mannlíf sagði RÚV að eftir að hafa fengið sér­fræð­inga hafa skoða málið yrði bræðr­unum leyft að taka þátt.

Þetta sættir Cohen sig ekki við og vill fá við­eig­andi bætur fyrir. „Fyrst og fremst viljum við að þeir leysi úr þessu,“ hefur Israel Hayom eftir Cohen en Vísir greindi frá.. „Við gefum þeim tvo val­mögu­leika: Annars vegar komumst við að við­eig­andi sam­komu­lagi, eða þeir felli lagið úr keppni.“

Vill Cohen vera skráður fyrir lag­inu fyrir lag­inu eða fá skaða­bætur.

„Ef Íslend­ing­arnir fall­ast ekki á kröfur okkar munum við fara fram á að Samband evr­ópskra sjón­varps­stöðva fjar­lægi lagið úr keppn­inni. Það er ómögu­legt að taka þátt í keppn­inni með lag sem er að hluta til ekki frum­legt.“

VÆB-bræður neita öllum sökum og hafa látið hafa eftir sér að þeir hlusti ekki á tón­list frá Ísrael. „Um leið og lagið varð vin­sælt í Ísrael sem fólk dansar við í hverju ein­asta brúð­kaupi birt­ist það á mörgum topp­listum. Það ætti því ekki að vera vanda­mál að finna það,“ sagði Cohen.