Kúskus
1 sæt kartafla
1 rauðrófa
3-4 msk. olía
1 msk. bals­amedik
gróft sjáv­ar­salt
nýmal­aður svartur pipar

2 kjúklinga­bringur
1-2 tsk. Arab­ískar nætur – krydd­blanda frá Potta­göldrum
gróft sjáv­ar­salt
nýmal­aður svartur pipar
2-3 msk. olía, til steik­ingar

250 g kúskús
örlítið salt
1 msk. ólífu­olía
2 ½ dl sjóð­andi vatn

1 límóna, börkur og safi
3 vor­laukar, smátt saxaðir
1-2 lárperur, skornar í bita
6-8 kirsu­berjatómatar, skornir í tvennt
100 g feta­ostur, mul­inn gróft
lauf af 6-8 myntu­greinum, söxuð
hnefa­fylli stein­selja, söxuð

Hitið ofn í 220°C. Afhýðið rót­ar­græn­metið og skerið í bita. Athugið að þar sem sæta kartaflan eld­ast hraðar en rófan er betra að hafa hana í stórum bitum og róf­una í litlum þannig að allt eld­ist á svip­uðum tíma. Veltið græn­met­inu upp úr olíu, bals­amediki, salti og pipar. Setjið á bök­un­ar­papp­írs­klædda ofn­plötu og bakið í u.þ.b. 30 mín. eða þar til allt er mjúkt í gegn.

Berjið bring­urnar með kjöt­hamri þannig að þær séu jafn­þykkar. Kryddið og stráið salti og pipar á bring­urnar. Hitið olíu á pönnu og steikið bring­urnar þar til þær eru eld­aðar í gegn, eða í 4-5 mín. á hvorri hlið (fer þó eftir þykkt). Látið kjötið kólna og skerið síðan í bita.
Setjið kúskús, salt og olíu í skál og hellið sjóð­andi vatni yfir. Lokið vel með pott­loki eða plast­filmu og látið standa í 5-10 mín. Hrærið þá með gaffli í gegnum kúskúsið til þess að losa það í sundur og blandið að lokum kjúklingi og græn­meti saman við, ásamt rest­inni af hrá­efn­unum. Bragð­bætið með salti og pipar eins og þarf og bætið gjarnan við límónusafa eftir smekk. Gott að bera fram með myntusósu (sjá upp­skrift).

Myntusósa
350 g grísk jógúrt
2 msk. jóm­frúar­ólífu­olía
hnefa­fylli mynta, laufin
2-3 greinar kórí­ander, (má sleppa)
safi úr ½ límónu
1 tsk. hun­ang eða agave-síróp
gróft sjáv­ar­salt
nýmal­aður svartur pipar

Blandið öllu saman og bragð­bætið með salti og pipar og hun­angi eða límónusafa eftir smekk.

Ein­faldur og sum­ar­legur réttur.

Myntu­hlaup
2-3 krukkur

Gott með ostum og kjöti, sér­stak­lega lamba­kjöti.

100 g mynta, lauf og stilkar
5 dl vatn
5 dl sykur
safi úr ½-1 sítrónu
1-2 dropar grænn mat­ar­litur (má sleppa)
1 pakki (40 g) pektín (sultu­hleypir)

Setjið myntu og vatn saman í pott og látið suð­una koma upp, sjóðið í nokkrar mín­útur, slökkvið þá undir og látið standa í 10-20 mín. Sigtið mynt­una frá og setjið vökvann aftur í pott­inn ásamt sykri, sítrónusafa og mat­ar­lit, má sleppa. Sjóðið saman þar til syk­ur­inn er vel upp­leystur. Stráið pek­tíni yfir og hrærið vel á meðan þannig að ekki mynd­ist kekkir, ef það ger­ist má hella heitum vökv­anum í gegnum sigti áður en honum er hellt í sótt­hreins­aðar krukkur. Lokið vel og látið kólna alveg.

Umsjón / Kristín Dröfn Ein­ars­dóttir
Myndir / Hákon Davíð Björns­son
Stílisti / Hanna Ingi­björg Arn­ars­dóttir