Ísland er vinsæll áfangastaður meðal áhrifavalda á Instagram. „Þeir sýna glæfralega hegðun og brjóta reglurnar. Þá verður þessi ímynd til um að á Íslandi sé allt leyfilegt,” segir Páll og bætir við að margir sýni þó gott fordæmi. „Aðrir sýna ólíka staði og leiðir til að njóta náttúrunnar. Við gefum ekki upp staði sem við viljum vernda.”
View this post on Instagram
A post shared by Páll Jökull Pétursson (@palljokullphoto) on May 9, 2019 at 12:16pm PDT
„Sumir staðir hafa orðið frægir á Instagram án þess að vitnað sé í staðsetningu. Á endanum vita allir hvar hann er”. Dæmi um slíkan stað er Fjaðrárgljúfur á Suðurlandi. Í tónlistarmyndbandi Justin Bieber sést hann taka sundsprett í gljúfrinu. Eftir útgáfu myndbandsins uxu vinsældir staðsins. Þá hefur gljúfrinu ítrekað verið lokað vegna jarðvegsskemmda umhverfis svæðið. Lokun stóð yfir í vor frá 27. febrúar til 1. júní.
https://gamla.mannlif.is/4304
Sektaður fyrir utanvegaakstur
Áhrifavaldurinn Alexander „Sasha“ Tikhomirov er flestum íslendingum kunnugur. Hann var ökumaður bifreiðar sem ekið var utanvegar í Bjarnarflagi við Mývatn og birti af sér mynd við bílinn þar sem hann var fastur. Þá fékk hann háa sekt þar sem ólöglegt er að keyra utanvegar á Íslandi án þess að sérstakt leyfi Umhverfisstofnunnar liggi fyrir.
View this post on Instagram
A post shared by Alexander Tikhomirov (@sashatikhomirov) on Jun 2, 2019 at 2:05pm PDT
Rússinn sætti mikillar gagnrýni og var ekki parsáttur með framkomu íslenskra yfirvalda. „Ekki gera þetta, ekki gera hitt, ekki labba, hér má ekki anda. Það má ekki fljúga dróna hér þú mátt ekki fara af veginum og svo framvegis,“ segir við Instagram-mynd Tikhomirov.
Snýst allt um að ná fulkominni mynd
Dæmi eru um að áhrifavaldar keyri utanvegar og jafnvel undir áhrifum, sitji á jöklum og fljúgi drónum yfir hesta. Samkvæmt lögum um drónanotkun á Íslandi er óheimilt að fljúga þeim nálægt og yfir byggð, lífverur og flugvelli. Þá er einnig ólöglegt að keyra utanvegar án leyfis frá Umhverfisstofnun þar sem aksturinn getur valdið miklum skemmdum.
„Það er eins og allt snúist um Instagram og að ná fullkominni mynd,” segir Michalina Okreglicka í viðtali við BBC. Okreglicka er búsett á Ísland og starfar sem brúðkaupsljósmyndari. „Ég hef aldrei séð eins ábyrgðalausa og heimskulega hegðun eins og á Íslandi.” Hún segir áhrifavalda ekki gera sér grein fyrir þessum reglum. „Ég hef verið að benda áhrifavöldum að svona hegðun viðgangist ekki og þeir eigi að hætta þessu.”
Eyðilegging á mosa er einnig vaxandi vandamál. Íslenskur mosi er mjög viðkvæmur og getur eyðilagst ef traðkað er á honum. Mosinn kemur í veg fyrir jarðvegseyðingu og varðveitir vatn og raka. Þá er fjöldi örvera sem þrífst í mosa.
áhrifavaldar
Auðunn Lúthersson í streymi hjá Kai Cena
Hafdís og Kleini ekki hætt saman: „Styttist í brúðkaup hjá þessum lúðum“
Kristján Einar spurður út í Svölu: „Mér er skítsama hvort fólk trúi þessu eða ekki“
Áhrifavaldar stofna fyrirtæki og setja nýja vöru á markað
Athugasemdir