„Haltu kjafti kerl­ing” skrif­aði þá stuðn­ings­maður tyrkja. Össur svar­aði mann­inum og vitn­aði í Íslend­inga­sögur „Grettir, sem var sterkasti maður Íslands, hefndi dauða bróður síns fyrir framan Hagia Sophia,” skrif­aði Össur og bætti við; „Í stað­inn munum við taka á móti ykkur með ást og kær­leik. Við munum samt rústa ykkur á vell­inum.” Grettir sterki Ásmund­ar­son er aðal­per­sóna Grett­is­sögu sem er hluti af Íslend­inga­sögum.

Hagia Sophia er ein merkasta bygg­ing Istanbúl. Hún var byggð árið 537 af róm­verjum sem grísk rét­trún­að­ar­kirkja. Á þeim tíma var hún stærsta bygg­ing heims og verk­fræði­legt undur síns tíma vegna stærð hvelf­ing­ar­innar. Þá er hún talin marka upp­hafið að Býzönskum arki­tektúr. Á tímum Ottóman veldis varð hún að Mosku. Í dag er bygg­ingin safn þar sem enn má sjá kaþ­ólsk ummerki í bland við íslömsk.

Styrkur íslendinga arfleifð Væringja

Össur hélt áfram að svara þegar athuga­semdir reiðra stuðn­ings­manna dundu yfir hann: „Ég veðja að Ísland muni vinna með tveimur mörkum….Tyrkland á ekki séns á móti sönnum afkom­endum Væringja.” Lík­leg­ast á hann við nor­ræna vík­inga sem voru kall­aðir Vær­ingjar. Þeir voru á mála hjá keis­ar­anum í Mikla­garði í kringum árið 1000. Nafnið hefur þá einnig verið notað yfir unga íslend­inga sem fóru fluttu út í byrjun 20. Aldar. Þeir fóru að leita sér að fjár og frama meðal stór­þjóða heims.

„Við ótt­umst ykkur að sjálf­sögðu….En ótti er nátt­úru­leg leið oln­boga­barns­ins til að finna leið að far­sælum sigri. Hversu oft hefur litla Ísland unnið Tyrkland? Hversu oft England (1066 og 2016). Hroki er þekktasta leiðin að tapi. Hafið þið gleymt Davíð og Golíat?” Össur vitnar hér í sögu þar sem Davíð sigr­aði ris­ann Golíat. Sagan kemur bæði fram í Bibl­í­unni og Kór­an­inum, sem er opin­bert rit Íslams­trúar. Opinber trú Tyrk­lands er Íslams­trú en 98% þjóð­ar­innar eru skráðir múslimar. Margir hverjir sjálf­krafa líkt og skrán­ing nýfæddra ein­stak­linga í þjóð­kirkj­una fer fram hér á landi.

„Mustafa Kemal hugsaði eins og íslendingur!”

„Ég er aðdá­andi Mustafa Kemal og hef lesið dag­bækur hans. Hann hugs­aði eins og íslend­ingur!” skrif­aði Össur sem svar við einni athuga­semd­inni. Mustafa Kemal Atatürk var fyrsti for­seti Tyrk­lands. Hann fór fyrir frið­samri bylt­ingu í kjöl­far fyrri heim­styrj­aldar þar sem soldána­veldið var leyst upp og Tyrkland varð að lýð­ræð­is­ríki. Hann lagði mikla áherslu á vest­ræn gildi, inn­leiddi meðal ann­ars lat­neskt staf­róf í tyrk­nesku og bann­aði fjöl­kvæni.

Össur sat á Alþingi á árunum 1991-2016, fyrir Alþýðu­flokk­inn 1991-1999 og Sam­fylk­ing­una frá árinu 1999. Hann var þing­flokks­for­maður Alþýðu­flokks­ins 1991-1993 og þing­flokks­for­maður Sam­fylk­ing­ar­innar 2006-2007. Þá var hann umhverf­is­ráð­herra á árunum 1993-1995, iðn­að­ar­ráð­herra 2007-2009 og utan­rík­is­ráð­herra 2009-2013.