Chris Kirk var á hraðri leið upp stjörnuhimininn fyrir nokkrum árum, sat í 16. sæti heimslistans og var valinn í lið Bandaríkjanna sem atti kappi við heimsúrvalið í forsetabikarnum. Síðan þá hefur leiðin legið hratt niður á við. Hann situr nú í 179. sæti FedEx listans yfir tekjuhæstu kylfinganna og hefur aðeins komist sex sinnum í gegnum niðurskurð á þeim 17 mótum sem hann hefur keppt í á tímabilinu.
Kirk, sem í dag fagnar 34 ára afmæli sínu, birti yfirlýsingu á Twitter síðu sinni í gær þar sem hann gekkst við vandanum og sagðist ætla að leita sér aðstoðar fagfólks.
„Ég hef glímt við áfengisvandamál og þunglyndi í dágóðan tíma. Ég hélt að ég gæti haft stjórn á þessu en eftir fjölmörg bakslög hef ég áttað mig á því að ég get ekki gert þetta á eigin vegum. Ég mund taka mér ótímabundið leyfi frá PGA mótaröðinni á meðan ég fæst við þessi vandamál. Ég veit ekki hvenær ég mun snúa aftur en nú mun ég einbeita mér að því að vera sá maður sem fjölskylda mín verðskuldar,“ segir Kirk sem þakkar stuðningsmönnum sínum fyrir stuðninginn.
golf
Fimm íslenskir golfvellir á top 100 lista Golf World tímaritsins – Einn þeirra skákar Ólympíuvelli
Draumahöggið lét bíða eftir sér í 28 ár: „Þetta var geggjað og ólýsanlega gaman“
Golfhjónin Margrét og Pétur: „Valið stóð um nýja konu eða fara í golf með Margréti“
4% íslenskra kylfinga með 5 eða minna í forgjöf
Ofbeldisdómur hefur engin áhrif á stjórnarsetu
Athugasemdir