Ástæður þess að WOW söfnun hluthafa.com helst opin þrátt fyrir kröfur FME um lokun

Sjá einnig: „Farþegar kunna jafn­framt að eiga kröfu á hendur WOW“

„Á síð­unni kemur fram að óskað sé eftir hluta­fjár­lof­orði a.m.k. tíu til tutt­ugu þús­und hlut­hafa í þeim til­gangi að end­ur­reisa flug­fé­lagið WOW eða stofna nýtt lággjalda­flug­fé­lag.“ segir í til­kynn­ingu eft­ir­lits­ins. Upp­lýs­ingar á vef hlut­hafi.com gáfu upp­haf­lega til kynna að um væri að ræða „almennt útboð verð­bréfa“ en slík starf­semi fellur undi lög um verð­bréfa­við­skipti. „Með almennu útboði er átt við hvers konar boð til almenn­ings um kaup á verð­bréfum. Áður en farið er í almennt útboð verð­bréfa þarf að gefa út lýs­ingu í sam­ræmi við 1. mgr. 44. gr. laga um verð­bréfa­við­skipti,“ segir í tlkynn­ing­unni eft­ir­lits­ins.

Ástæða þess að söfn­unin er þó enn uppi og ekki er gerð krafa um lokun hennar er að for­svars­menn hennar hafa nú breytt formi söfn­un­ar­innar. Söfnunin er nú kynnt sem sala á hluta­skír­teinum í einka­hluta­fé­lagi. Slík sala fer ekki eftir sömu reglum og kaup­endur njóta minni verndar en í almennu útboði. Þátt­tak­endur geta nú metið áhætt­una með bættri upp­lýs­ing­gjöf og vit­neskju um að vernd er minni en áður var gefið út.

Samkvæmt lögum um verð­bréfa­við­skipta þarf að gefa út lýs­ingu áður en farið er í það sem kallað er almennt útboð verð­bréfa. Þær lýs­ingar eru stað­festar af Fjár­mála­eft­ir­lit­inu sem gengur úr skugga um að útboðið upp­fylli körfur um form og efni þeirra. Þar á meðal eru kröfur um að fjár­festar hafi allar nauð­syn­legar upp­lýs­ingar um útgef­and­ann og verð­bréfin. Það þýðir hverjir eru ábyrgir aðilar útboðs­ins, fjár­hags­upp­lýs­ingar, upp­lýs­ingar um verð­bréfin sem á að bjóða og skil­yrði fyrir útboð­inu.

Um leið hefur Fjár­mála­eft­ir­litið eft­ir­lit með útboð­inu og getur beitt sér ef rök­studdur grunur er um að fram­kvæmdin sé ekki í sam­ræmi við lög um verð­bréfa­við­skipti. Beita má stjórn­vals­sektum og eft­ir­litið getur kært brot til lög­reglu. Að lokum má benda á að umsjón með almennu útboði verð­bréfa er starfs­leyf­is­skyld starfs­semi og ein­ungis heimil lög­að­ilum sem hlotið hafa til þess leyfi frá Fjár­mála­eft­ir­lit­inu sam­kvæmt lögum um fjár­mála­fyr­ir­tæki.

Í til­kynn­ingu frá fjár­mála­eft­ir­lit­inu vegna máls­ins er sér­stök athygli þeirra sem áhuga hafa á að taka þátt í söfnun líkt og hlut­hafi.com að þeir sem slíkt gera telj­ast almennir fjár­festar og njóta ekki sömu verndar og þeir sem taka þátt í almennu hluta­fjár­út­boði.

For­svars­menn hlut­hafa.com gáfu sér upp­haf­lega 90 daga til að safna vil­yrðum. 86 dagar eru nú til stefnu.