Ómótstæðileg perukaka

Perur eru unaðs­legar og þær verða enn betri þegar þær eru not­aðar í bakstur eins og hér er gert. Gott er að bera kök­una fram volga með vanilluís eða rjóma, það er blanda sem getur ekki klikkað.

Peruterta
fyrir 10-12

4 perur
safi úr 1/2 sítrónu
1/2 vanillu­stöng
3 msk. olía
4 dl möndlu­mjöl
3 1/2 dl hveiti
3 1/2 dl sykur
1/2 tsk. lyfti­duft
8 egg
1 dl möndlu­flögur
1 msk. hun­ang
1 msk. olía

Stillið ofn á 180°C. Afhýðið 3 perur og skerið í bita, geymið eina peru til þess að raða ofan á kök­una. Setjið peru­bit­ana í pott ásamt sítrónusafa, kornum úr vanillu­stöng­inni og stöng­inni sjálfri. Setjið 3-4 tsk. af sykrinum saman við. Látið sjóða saman í 10-15 mín. eða þar til per­urnar eru mjúkar í gegn. Takið vanillu­stöng­ina úr og stappið per­urnar vel saman í mauk. Bætið olíu út í og látið maukið kólna.

Setjið möndlu­mjöl, hveiti, sykur og lyfti­duft saman í hræri­vél­ar­skál. Bætið eggjum út í, einu í einu, og hrærið vel saman. Setjið þá perum­aukið út í og hrærið þar til allt er vel sam­lagað. Setjið bök­un­ar­pappír í botn­inn á formi sem er 26 cm í þver­mál og smyrjið formið vel með smjöri eða olíu. Hellið deig­inu í formið og stráið möndlu­flögum yfir. Hitið hun­ang og olíu saman á pönnu. Afhýðið síð­ustu per­una og skerið í sneiðar. Veltið sneið­unum upp úr hun­angs­blönd­unni í nokkrar mín. á pönn­unni og raðið þeim síðan ofan á deigið. Bakið í u.þ.b. 50 mín. Ef kakan fer að brúnast of mikið er gott að setja álp­appír yfir hana seinni hluta bök­un­ar­tím­ans. Dreifið 1/2-1 dl af sírópi yfir kök­una og berið hana gjarnan fram volga og með þeyttum rjóma.

Síróp
1/2 dl sykur
1/2 dl púð­ur­sykur
1 dl vatn
safi úr 1/2 sítrónu
Setjið allt saman í pott og sjóðið saman í 10 mín.

 
Texti/Kristín Dröfn Ein­ars­dóttir
Mynd/Heiða Helga­dóttir
Stílisti / Ólöf Jakobína Ernu­dóttir