Frístandandi baðkerið í stofunni hjá Hildi Ársælsdóttur sem við heimsóttum í upphafi árs 2018 er svo eftirminnilegt að við verðum að hafa það með enda frábær og fjörleg hugmynd. Blöndunartækin fara líka út fyrir boxið flott og stíllinn á heimilinu gefur fullt af góðum hugmyndum.
Glerveggir með járnramma eru að verða áberandi lausn til að skilja að rými á nettan og fallegan hátt. Steyptir veggir eru því ekki alltaf hentugasta lausnin, sérstaklega ekki ef rýmið er lítið. Suðulist smíðaði glerjárnsvegginn á Hverfisgötu en Sólveig Andrea innanhússarkitekt teiknaði hann.
Blómaskreyting yfir rúminu er rómantísk og öðruvísi hugmynd. Tökum náttúruna alla leið inn í svefnaherbergi.
Innbyggðar hirslur sem minna á Tetris-leikinn. Fjórir opnir skápar og margir lokaðir sem geyma meðal annars þvottavél og þurrkara. Þetta er hugmynd sem gæti snarvirkað þar sem skápapláss er lítið. Þessi var sérsmíðaður hjá Heggi.
Sonja Björk innanhússarkitekt og vöruhönnuður var frumleg þegar hún útfærði þennan flotta vegg heima hjá sér. Öðruvísi hugmynd sem má útfæra alls konar.
Þurrkuð blóm sem börnin tína úti í náttúrunni getur verið fallegt að setja í ramma og þessir rammar eru sérstaklega fallegir undir blóm.
Tískugúrúinn og ljósmyndarinn Helgi Ómars geymir hjólið sitt inni en falleg hjól fegra bara heimilið og fá mann eflaust til að hjóla meira; stöðug áminning þegar það blasir við manni.
Grænar plöntur eru tískutrend sem hefur lifað góðu lífi undanfarin tvö ár og mun lifa áfram. Plöntur rokka!
Hér eru þrír litir í aðalhlutverki; rauður, bleikur og mintugrænn ásamt þeim hvíta. Flott hugmynd fyrir litaglöðu týpurnar að velja saman sína uppáhaldsliti sem tóna saman og leyfa þeim að njóta sín saman í eldhúsinu til dæmis eins og hér. Baðherbergið eða allt heimilið í sama litaþemanu gæti líka komið hressandi út.
Það er allt hægt í dag og ef þú átt fallega ljósmynd sem þú vilt að njóti sín á heimilinu er kannski góð hugmynd að gera eitthvað í líkingu við þetta. Svæfandi augnaráð hests er fallegt að sjá fyrir svefninn.
Í þessari forstofu spilar allt fallega saman og glervasarnir á veggnum, sem voru keyptir í TIGER, eru falleg hugmynd og það má setja hvað sem er í þá; blóm, banana eða bara hvað sem er!
Hvítar og einlitar flísar eru klassískt val en að blanda saman ólíkum flísum í sama rými er móðins í dag og arfasmart. Hér eru ekki sömu flísar á gólfi og vegg og auk þess er efri partur veggjarins skreyttur með veggfóðri.
Einn litaglaðasti stigi landsins er á milli Pablo Discobar og Burro. Hálfdan Pedersen sá um hönnunina og þessi blanda hjá honum er algjört konfekt. More is more!
Myndir / Ljósmyndarar Birtíngs, Helgi Ómars og Minarc
Kjósa
Hvernig finnst þér þessi grein? Skráðu þig inn til að kjósa.
Tengdar greinar
góð ráð
Rökhugsunin virkar ekki sem skyldi þegar fólk er æst
Sara Dögg Eiríksdóttir, félagsráðgjafi og fjölskyldufræðingur hjá Samskiptastöðinni, segir ágreining í samböndum vera eðlilegan og óhjákvæmilegan. En ágreininginn þarf að tækla rétt og hún gefur nokkur góð ráð í nýjum pistli sem lesa má hérna. Meðal þess sem Sara mælir með að fólk geri er að æfa sig í að ná ró og stjórn á skapinu. „Þegar við verðum reið...
Heldur þú heimilinu gangandi á meðan maki þinn gerir ekkert?
Það getur verið krefjandi að vera í parasambandi og algengt umkvörtunarefni para eða hjóna er upplifun á ójafnri verkaskiptingu á heimilinu. Íris Eik Ólafsdóttir fjölskyldufræðingur og sáttamiðlari, skrifar um málið í sinn nýjasta pistil. Hún segir fólk oft upplifa sig gera allt á meðan makinn gerir ekki neitt innan heimilisins. „Algengt er að parið upplifi stöðu sína á afar mismunandi...
Bólótt húð – hvað er til ráða?
Til að viðhalda fallegri og heilbrigðri húð er nauðsynlegt að hugsa vel um hana og nota snyrtivörur sem henta húðgerð manns. Gríðarlegt úrval snyrtivara er á markaðinum í dag og oft vefst fyrir fólki hvaða vörur henta því vegna þess að það vantar skilning og þekkingu á eigin húð.
Rakagefandi hanskar frá Muraki
Nú þegar allir huga að handþvotti finna eflaust margir fyrir þurrki á höndum. Við rákumst á þessa rakagefandi hanska frá Meraki en þeir eru tilvaldir ef þú vilt gera vel við þig. Hanskarnir eru auðveldir í notkun. Þú þværð vandlega á þér hendurnar með heitu vatni, setur á þig rakagefandi handáburð og skellir svo hönskunum á þangað til áburðurinn hefur...
Fín viðbót við daglega fæðu
Sítróna inniheldur góð næringarefni. Í sítrónum eru andoxunarefni og flavoníðar sem bæði byggja upp ónæmiskerfið og örva endurnýjun frumna í líkamanum. Þeir sem þola beiska bragðið ættu endilega að nýta sér börkinn því í honum eru efni sem draga úr bólgum og geta komið í veg fyrir að bólgur myndist í líkamanum. Nú og svo vita auðvitað allir að C-vítamín...
Trefjarík og full af C-vítamíni
Þó okkur finnist það skrítið þá eru epli af rósarætt og til eru yfir 7500 afbrigði af þeim. Fjölmargar eplategundir eru fluttar til landsins í dag og sífellt má sjá fleiri tegundir í matvöruverslunum landsins. Litur, lögun, bragð, áferð og uppskerutími er mismunandi eftir tegundum. Einnig er mismunandi hvernig best er að geyma hverja tegund fyrir sig til þess að...
Athugasemdir