Ástrós var í for­síðu­við­tali í Vikunni í sept­em­ber árið 2016 en þá voru þau Bjarki búin að ákveða að setja lífið ekki lengur á bið vegna veik­ind­anna, heldur lifa því til fulls – voru að plana brúð­kaup og barneig­inir. „Það er ekki einu sinni víst að þetta heppn­ist en við viljum ekki lengur setja lífið á bið. Lífið er akkúrat núna og við eigum að njóta þess að vera til,“ sagði Ástrós í 36. tbl. Vikunnar 2016 þegar hún greindi frá til­von­andi tækni­frjóvgun.

„Ég er hætt að hugsa um hvað öðrum finnst og hef ákveðið að hlusta á sjálfa mig og hvað við Bjarki lifum fyrir. Ef Bjarki deyr frá ungu barni sínu og það spyr um hann gæti ég svarað: „Pabbi vildi eign­ast þig, hann lifði draum­inn sinn.“

Og þau stóðu sann­ar­lega við stóru orðin og nýttu dýr­mætan tíma til að njóta lífs­ins. Bjarki og Ástrós gengu í hjóna­band sum­arið 2017 og eign­uð­ust dótt­ur­ina Emmu Rut í sept­em­ber á síð­asta ári.

Í Facebook-færslu Ástrósar á laug­ar­dag­inn segir hún meðal ann­ars: „Þú áttir svo mikið í mér elsku besti minn, studdir mig í einu og öllu og róaðir mig niður og hafðir vit fyrir mér. Það sem við gátum kjaftað saman um lífið og til­ver­una alla daga og notið stund­anna, ég þú og Emma Rut.

Takk fyrir að hafa komið inn í líf mitt þegar ég var 16 ára gömul, ég varð ást­fangin við fyrstu sýn og er það enn í dag. Takk fyrir að ferð­ast með mér um heim­inn, gift­ast mér og eign­ast besta barn í heimi með mér sem mun bera öll góðu genin þín um ókomna tíð.

Ég ætla að standa mig í stykk­inu fyrir þig, ég mun ala upp Emmu eftir okkar lífs­gildum alveg eins og við töl­uðum um og mun ávallt passa uppá að hún eigi fullt af fal­legum minn­ingum um þig.“

Rit­stjórn Vikunnar sendir Ástrósu og fjöl­skudu hennar inni­legar sam­úð­ar­kveðjur.