Minnir á að jólin eru erfiðasti tími ársins fyrir suma

Friðrika Ben­ón­ýs­dóttir skrifar um jólin í sinn nýjasta pistil. Í pistl­inum minnir hún á að jólin eru ekki gleði­leg hjá öllum.

„Í þess­ari kröfu um gleði og full­komnun vill oft gleym­ast að fyrir marga eru jólin erf­ið­asti tími árs­ins,“ skrifar Friðrika.

Hún tekur fólk sem hefur misst ást­vini sem dæmi. „Þeir sem misst hafa ást­vini, hvað þá börnin sín, syrgja aldrei heitar en um jólin sem eru þeirri nátt­úru gædd að fá fólk til að rifja upp gamla tíma sem fyrr­nefndir ást­vinir tóku þátt í og finna enn sárar fyrir missi þeirra en dags­dag­lega. Fæstir fá þó að sinna sorg­inni í friði, það vill eng­inn neitt væl um jólin.“

Hún segir þessa kröfu um að allir haldi „full­komin“ jól vera hættu­lega.

„Þessi krafa er hættu­leg, eins og fjöl­margir sér­fræð­ingar hafa bent á, og sýnir ótrú­lega lít­inn skiln­ing á því langa og dökka ferli sem sorgin er,“ skrifar Friðrika.

Pistil sinn endar hún á að hvetja fólk til að gefa öðrum rými til að finna sína leið til að njóta jóla­há­tíð­ar­innar með sínum hætti. „Gefum fólki leyfi til þess.“

Lestu pistil hennar í heild sinni hérna.