Aron Leví Beck, borg­ar­full­trúi Sam­fylk­ing­ar­innar, krefur Vigdísi Hauks­dóttur, odd­vita Mið­flokks­ins í Reykja­vík, um afsök­un­ar­beiðni og yfir­lýs­ingu um bætta hegðun vegna ummæla sem hún lét falla um hann. Vigdís seg­ist hins vegar ekki ætla að biðj­ast afsök­unar.

„Mitt svar við þessum ofsóknum skrif­stofu borg­ar­stjóra og borg­ar­rit­ara hefur alltaf verið – stefn­iði mér þá. Þau eru búin að elta mig á siða­regl­unum og ekk­ert gengur að ala mig upp. See you in court! Þetta er þannig mál,“ segir Vigdís í sam­tali við Frétta­blaðið.

Lögmaður Arons Levís, Páll Berg­þórs­son sendi bréf á Vigdísi í síð­ustu viku en þar kemur fram að ummæli Vigdísar um Aroni Leví á borg­ar­stjórn­ar­fundi 19. nóv­em­ber feli í sér refsi­verðar aðdrótt­anir sam­kvæmt hegn­ing­ar­lögum. Á fund­inum sak­aði Vigdís Aron Leví um spill­ingu vegna tengsla hans við fyr­ir­hug­aða bygg­ingu Aldin Biodome við Stekkj­ar­bakka í útjaðri Elliða­ár­dals­ins. „Svona er spill­ingin í Reykja­vík,“ sagði Vigdís og í skyn að Aron Leví hefði „keyrt verk­efnið áfram“, „látið ann­ar­lega“ og gengið í Sam­fylk­ing­una til að tryggja fram­gang verk­efn­is­ins.

„Bio Dome í Elliða­ár­dal er keyrt áfram með offorsi af meiri­hlut­anum. Nú eru komnar skýr­ingar á því. Einn borg­ar­full­trúi Sam­fylk­ing­ar­innar ber kápuna á báðum öxlum,“ segir enn­fremur í bókun Vigdísar. Með því að víkja af fundum þar sem fjallað var um málið hafi hann geng­ist við því að tengj­ast verk­efn­inu. Vigdís vakti auk þess athygli á því að Aron Leví hefði um setið í vara­stjórn Holl­vina­sam­taka Elliða­ár­dals­ins og beitt sér fyrir því að Elliða­ár­dalur yrði ekki frið­lýstur.

Í bréf­inu sem lög­fræð­ingur Arons Leví sendi á Vigdís kemur fram að Aron Leví hafi sem nem­andi í skipu­lags­fræðum tekið þátt í rann­sókn á nýt­ing­ar­mögu­leikum affalls­vatns úr Laug­ar­dals­laug við upp­hitun gróð­ur­hvelf­ing­anna árið 2015, en á þeim tíma hafi verið uppi hug­myndir um að reisa gróð­ur­hvelf­ing­arnar í Laug­ar­dal. „Þau ummæli sem eru rakin hér að framan bein­ast að per­sónu umbjóð­anda míns og fara langt yfir öll vel­sæm­is­mörk. Langsóttar full­yrð­ingar um tengsl umbjóð­anda míns við millj­arða­upp­bygg­ingu, dylgjur um spill­ingu og ein­hvers konar áfram­keyrslu verk­efn­is­ins innan borg­ar­stjórnar eru aug­ljós­lega til þess fallnar að rýra orð­spor umbjóð­anda míns og vega að starfs­heiðri hans,“ segir í bréf­inu til Vigdísar, og vitnað er í í frétt Frétta­blaðs­ins.

Bréfið er dag­sett 21. nóv­em­ber síð­ast­lið­inn. Hafði Vigdís þrjá daga til að verða við kröfu um afsök­un­ar­beiðni, en eins og fyrr segir ætlar hún ekki að verða við henni. Þess má geta að sam­kvæmt refsiramm­anum er þyngsta refs­ing vegna meið­yrða tveggja ára fang­elsi.