Kolbeinn og Eyþór áttu misgóða viku

Góð vika – Kolbeinn Sigþórsson

Ungir bændur í Öxar­firði áttu prýð­isviku en þeir vinna nú að því að opna ull­ar­verk­smiðju í bæj­ar­hlað­inu. Annar ungur eld­hugi hafði líka ástæðu til að kæt­ast en belgíski veit­inga­stað­ur­inn Souvenir, sem er í eigu hans og konu hans Joke Michiel, fékk afhenta Michelin-stjörnu við hátíð­lega athöfn en slík stjörnu­gjöf er veitt stöðum sem þykja hafa eitt­hvað alveg sér­stakt til að bera til við­bótar við fram­úr­skar­andi þjón­ustu og frá­bæran mat og telst ein eft­ir­sóttasta við­ur­kenn­ing sem hægt er að fá í heimi veit­inga­húsa­rekst­urs. Lands­liðs­fram­herj­inn Kolbeinn Sig­þórs­son átti svo frá­bæra viku.  Eflaust voru margir búnir að afskrifa Kolbein með hlið­sjón af fyrstu fréttum af meiðslum hans í leik lands­leik Íslands og Moldóvu á sunnu­dag, en þau reynd­ust ekki alvar­legri en svo að þau munu halda honum frá keppni í 4-6 vikur. Eins og kunn­ugt er héldu meiðsli Kolbeini frá keppni í tæp þrjú ár, en hefur hann hefur að mestu leyti kom­ist meiðsla­laust í gegnum árið og getað spilað með lands­lið­inu og þykir þar af leið­andi hafa átt frá­bæra end­ur­komu í bolt­anum.

Slæm vika – Ríkisstjórn Íslands

Hart er barist um þetta dálka­pláss að þessu sinni. Þannig virð­ist flug­fé­lag­inu Play ganga illa að ná í inn­lenda fjár­festa til að leggja því til tólf millj­ónir evra í hlutafé. Stjórn­endur Morg­un­blaðs­ins upp­skáru reiði vegna meintra verk­falls­brota á verk­falli blaða­manna. Hart hefur verið sótt að Eyþóri Arnalds í kjöl­far fréttar Stund­ar­innar þess efnis að hann hafi verið fjár­magn­aður af Kýp­ur­fé­lagi Samherja þegar hann keypti hlut útgerð­ar­fé­lags­ins í Morg­un­blað­inu. Og Erna Ýr Öldu­dóttur, blaða­maður Viljans, var tjörguð og fiðruð á sam­fé­lags­miðlum fyrir að hafa, á borg­ara­fundi í beinni útsend­ingu á RÚV, kallað þá sem ótt­ast ham­fara­hlýnun böl­sýn­is­fólk. En ef frá eru taldir stjórn­endur Samherja, þá fékk rík­is­stjórn Íslands eina verstu útreið­ina í vik­unni, einmitt vegna við­bragða hennar við Sam­herj­a­mál­inu sem stjórn­ar­and­staðan, með Pírata í broddi fylk­ingar, hefur kallað plástrapóli­tík. Telur Þór­hildur Sunna Ævars­dóttir að rann­saka þurfi hvort lin­kind stjórn­valda hafi orðið til þess að auð­velda meinta glæpi Samherja.