Barna­girnd er sögð fela í sér ítrek­aðar æsandi fantasíur, hvatir eða hegðun er varðar kyn­ferð­is­lega athöfn með barni en sam­kvæmt umfjöllun NY Times er ýmis­legt sem bendir til þess að barna­girnd megi rekja til líf­fræði­legra þátta.

Því hefur löngum verið haldið fram að þeir sem brjóta gegn börnum hafi oftar en ekki verið mis­not­aðir í barn­æsku en vís­inda­menn sem hafa tekið við­töl við dæmda barn­a­níð­inga segja það ekki stand­ast skoðun. Þá eru tengslin milli þess að stunda barn­a­níð og neyta barn­a­níðs­efnis á Netinu umdeild en nýjar rann­sóknir benda til þess að ekki sé endi­lega um að ræða stig­mögnun eins og áður var talið. Þannig leiddi ein rann­sókn t.d. í ljós að um 60% við­mæl­enda sem sátu af sér dóm vegna neyslu barn­a­níðs­efnis á Netinu hefðu áður brotið gegn barni.

Joe Sullivan, sér­fræð­ingur í kyn­ferð­is­of­beldi gegn börnum á Bret­landi og Írlandi, segir þannig rangt að draga þá ályktun að neysla barn­a­níðs­efnis leiði menn til kyn­ferð­is­brota gegn börnum. „Það er mín reynsla að þessu sé öfugt farið. Flestir þess­ara manna hafa þegar brotið gegn barni,“ segir hann um þá sem neyta barn­a­níðs­efnis.

Sjá einnig: Barnaníð grass­erar á Netinu