Í átak­inu er lögð áhersla á mik­il­vægi stuðn­ings og vin­áttu þegar kona grein­ist með krabba­mein, þegar til­veran breyt­ist snögg­lega og við tekur tími sem getur reynst afar erf­iður. Stuðn­ingur fjöl­skyldu og vina skiptir miklu máli í öllu ferl­inu, allt frá grein­ingu, en einnig fag­legur og félags­legur stuðn­ingur sem Krabba­meins­fé­lagið veitir án end­ur­gjalds. Rann­sóknir sýna að þeim vegnar betur sem fá stuðn­ing í ferl­inu.

Bleika slaufan í ár er háls­men.

Bleika slaufan í ár er hönnuð af Guð­björgu Kristínu Ingv­ars­dóttur, skart­gripa­hönn­uði í AURUM Banka­stræti.  Bleika slaufan í ár er öðru­vísi en þær fyrri, en í fyrsta sinn er hún háls­men, en blómin á henni vísa til vellíð­unar og jákvæðni og hring­ur­inn táknar kven­lega orku og veitir vernd. Guðbjörg leggur áherslu á að háls­men passi bæði konum og körlum: „Enda geta karl­menn verið alveg ófeimnir við að bera Bleiku slauf­una í ár.“

„Það var kom­inn á breyt­ingar eftir 12 ár í formi nælu,“ segir Halla Þor­valds­dóttir, fram­kvæmda­stjóri Krabba­meins­fé­lags­ins: „Við höfum reglu­lega heyrt af áhuga stuðn­ings­manna og kvenna, á að fá ann­ars konar skart­grip og við erum viss um að þetta gull­fal­lega háls­men höfði til enn breið­ari hóps. Við hlökkum til að sjá fólk á öllum aldri ganga með háls­menið og sýna þannig stuðn­ing við konur og krabba­mein í verki”.

Bíókvöld Bleiku slaufunnar

Í kvöld verður Bíókvöld Bleiku slauf­unnar þegar Downton Abbey verður sýnd á sér­stakri bleikri sýn­ingu í stóra sal Háskóla­bíós. Húsið verður opnað kl. 19 og í and­dyri verður Bleik stemn­ing, þar sem Krabba­meins­fé­lagið kynnir helstu starf­semi sína og styrkt­ar­að­ilar kynna vörur sínar til stuðn­ings átak­inu. Bein útsend­ing verður frá dag­skrá kvölds­ins á net­inu fram að bíó­sýn­ing­unni. Dag­skráin hefst klukkan 20 og kynnar kvölds­ins eru leikkon­urnar Dóra Jóhanns­dóttir og Elva Ósk Ólafs­dóttir.

Hægt er að kaupa miða hér og útsend­ing­una má sjá á bleikaslaufan.is, á visir.is og sam­fé­lags­miðlum félags­ins og nokk­urra hag­að­ila.

Átakið Bleika slaufan er til­einkað bar­átt­unni gegn krabba­meinum hjá konum. Söfn­un­arfé Bleiku slauf­unnar stendur undir stórum hluta af þeirri fjöl­breyttu starf­semi sem Krabba­meins­fé­lagið stendur fyrir án end­ur­gjalds, svo sem ráð­gjöf, stuðn­ingur, nám­skeið, fræðsla, for­varna­starf­semi, hags­muna­gæsla og rann­sóknir.

Bleika slaufan kostar 2.500 krónur og er seld á bleikaslaufan.is og hjá fjöl­mörgum versl­unum um land allt. Að vanda verður hátíð­ars­laufa Bleiku slauf­unnar til sölu í tak­mörk­uðu upp­lagi, en einnig hafa tvær gullslaufur verið hann­aðar sem boðnar verða upp í fjár­öfl­un­ar­skyni.

„Annars vegar er um að ræða gull­háls­men og hins vegar gull­nælu sem er sér­stak­lega ætluð þeim sem sakna næl­unnar,“ segir Guðbjörg.

Taktu þátt í bleika deginum 11. október

Föstu­dag­ur­inn 11. októ­ber er bleiki dag­ur­inn en þann dag hefur skap­ast hefð fyrir því að fólk og fyr­ir­tæki um land allt skreyti sig með bleikum lit. Hægt er að sjá nán­ari upp­lýs­ingar og kaupa slaufu á heima­síð­unni bleikaslaufan.is.