Ekki stendur til að loka útibúum í kjölfar uppsagna um 100 starfsmanna Arion banka. Þetta staðfestir Haraldur Guðni Eiðsson, forstöðurmaður samskiptasviðs Arion banka, en um 20% uppsagnanna ná til útibúanna.
„Við höfum á undanförnum árum gert talsverðar breytingar á útibúanetinu okkar en þessar breytingar nú eru ekki af þeim toga,“ segir Haraldur.
Hann segir að þjónustan við almenna viðskiptavini verði óbreytt en til stendur að auka þjónustuna við fyrirtæki.
Aðspurður segir Haraldur kynjahlutföll frekar jöfn meðal þeirra sem missa vinnuna en starfsmenn bankans eru 65% konur og 35% karlar. Meðalaldur starfsmanna er 41,8 ár en Haraldur segir meðalaldur þeirra sem sagt verður upp lítillega hærri.
Hann segist ekki getað tjáð sig um það hvort um hreinar uppsagnir er að ræða en staðfestir að í langfelstum tilvikum muni starfsmenn láta af störfum í dag.
Sjá einnig: 100 manns sagt upp hjá Arion banka
bankar
Arion banki vill sameinast Íslandsbanka
Bendir á ofsagróða stóru bankanna: „Þetta er orðið verulega ógeðfellt og ógeðslegt“
Ragnar skýtur fast á bankana: „Þetta er allt að koma segir fjármálaráðherra!!“
Hæðist miskunarlaust að krónunni, Alþingi og Ásgeiri: „Krónan okkar getur flotið í kampavínsglasi“
Breki segir bankana ekki þurfa að hækka vexti í ljósi ofurhagnaðar: „Aðeins að róa sig, krakkar!“
Athugasemdir