Borgarfulltrúi Sjálfstæðisflokksins vill loka mötuneytum starfsmanna til að styðja við bakið á veitingastöðum

„Í mið­borg Reykja­víkur er fjöldi opin­berra stofn­ana. Mörg hund­ruð opin­berir starfs­menn snæða opin­beran hádeg­is­verð í opin­berum mötu­neytum dag hvern,” skrifar Hildur og bætir við: „Væri kannski ráð að draga saman seglin, loka hinum opin­beru mötu­neytum og styðja fremur við einka­fram­tak í nærum­hverfi?” Hún segir það mætti útfæra án tjóns fyrir starfs­fólk en miklum ágóða fyrir þá aðila sem stunda rekstur í mið­bænum. „Hér gæti Ráðhús Reykja­víkur gengið á undan með góðu for­dæmi.”

Hildur bendir á fleiri þætti sem gera rekstr­ar­að­ilum erfitt fyrir, þá ekki síst stjórn­sýsla borg­ar­innar: „Síhækk­andi fast­eigna­skattar, svifa­sein stjórn­sýsla og sam­ráðs­leysi hafa reynst litlum og með­al­stórum fyr­ir­tækjum óþægur ljár í þúfu. Það er tíma­bært að bregð­ast við.”

Hún telur fram­kvæmdir í mið­bænum setja strik í reikn­ing­inn hjá veit­inga- og versl­un­ar­eig­endum. „Gatna­fram­kvæmdir standa yfir í mið­borg. Flestir skilja nauð­syn fram­kvæmd­anna – en þegar aðkomu versl­ana og veit­inga­staða er raskað er nauð­syn að eiga í sam­tali við rekstr­ar­að­ila.” Þá segir hún að þess hafi ekki verið gætt og margir orðið fyrir veru­legu tjóni. „Málið sýnir skiln­ings­leysi og hroka borg­ar­yf­ir­valda gagn­vart rekstr­ar­að­ilum mið­borgar. Samráð í til­kynn­inga­formi án fyr­ir­vara og sam­tals er engum til fram­dráttar.”