Gaman er að leika sér með epla­bragð og nota epla­síder í mat­reiðslu, áfengan eða óáfengan. Hér er upp­skrift að góðum kjúklingi sem til­valið er að gera um helgar eða þegar gesti ber að garði. Við setjum perlu­lauk og epla­bita með honum í ofn­inn en til þess að fá smá­bit í með­lætið er gott að bíða með u.þ.b. helm­ing­inn af lauknum og eplunum og setja með þegar u.þ.b. 30 mín. eru eftir af eld­un­ar­tím­anum.

Kjúklingur með eplasídergljáa

fyrir 4

1 stór kjúklingur
rjóma­osta- og hnetu­fyll­ing (sjá­upp­skrift)
1 lítið epli, skorið í báta
2 msk. sítrónu­safi
4-6 hvít­lauks­geirar, afhýddir
1 msk. ólífu­olía
gróft sjáv­ar­salt
nýmal­aður svartur pipar
1-2 epli skorin í grófa báta
10-12 rauðir perlu­laukar, afhýddir

Hitið ofn í 190°C. Skolið kjúkling­inn vel að utan og innan og þerrið með eld­hús­pappír. Losið skinnið var­lega frá bring­unum og leggj­unum og setjið rjóma­osta­fyll­ing­una undir skinnið eins mikið og hægt er án þess að rífa gat. Ef ein­hver afgangur er af fyll­ing­unni er hún sett inn í fugl­inn ásamt epla­bitum sem hefur verið velt upp úr sítrónusafa, látið einnig hvít­lauks­geirana inn í fugl­inn.

Makið olíu utan á kjúkling­inn og stráið ríf­lega af salti og pipar á hann. Ef tími er til er gott að láta kjúkling­inn standa í kæli yfir nótt en þá er betra að sleppa salt­inu þar til rétt áður en hann fer í ofn­inn. Notið grillpinna eða slát­ur­garn til þess að loka fugl­inum vel.

Setjið hann í eld­fast mót og raðið hluta af eplunum og lauknum í kring. Eldið í 1 ½ klst. Setjið rest­ina af eplunum og lauknum saman við síð­ustu 30 mín­út­urnar af eld­un­ar­tím­anum. Penslið kjúkling­inn með epla­gljá­anum þegar hann er tekin úr ofn­inum.

Rjómaosta- og hnetufylling

1 dl val­hnetur, saxaðar
150 g rjóma­ostur
50 g feta­ostur, mul­inn
2 msk. hun­ang
4-6 lauf fersk salvía, smátt söxuð
lauf af 2 tímí­an­greinum

Blandið öllu vel saman.

Eplagljái

1 flaska (330 ml) Sommers­byepla­síder
1 msk. púð­ur­sykur

Setjið allt saman í pott og sjóðið þar til u.þ.b. ½ dl er eftir af vökv­anum og blandan verður síróps­kennd.

Ef kjúkling­ur­inn er far­inn að brúnast of mikið er gott að setja álp­appír yfir hann, hluta eld­un­ar­tím­ans. Til þess að sjá hvort kjúkling­ur­inn er eld­aður í gegn er gott ráð að stinga prjóni inn í hann á milli bringu og læris, ef vök­vinn sem lekur út er glær ætti kjúkling­ur­inn að vera full­eld­aður.

Umsjón / Kristín Dröfn Ein­ars­dóttir
Mynd / Hákon Davíð Björns­son
Stílisti / Hanna Ingi­björg Arn­ars­dóttir