Gestalistinn og salurinn

Gott er að byrja á því að gera gesta­lista og ákveða hverjum á að bjóða. Á að bjóða öllum í stór­fjöl­skyld­unni ásamt vina­fólki til margra ára og fjar­skyldum ætt­ingjum? Hvar á að draga mörkin? Nauð­syn­legt er að gera þetta upp við sig sem fyrst áður en lengra er haldið. Þegar gesta­list­inn er klár þarf að ákveða hús­næði fyrir veisl­una. Ef veislan á að vera í sal þarf að bóka hann sem allra fyrst því margir eru í sömu hug­leið­ingum á sama tíma og því má búast við að þeir upp­bók­ist fljótt. Ef þið leigið sal, athugið þá hvort ekki borgi sig að kaupa veit­ingar af til dæmis hót­el­sal því þar fylgja starfs­menn og dúkar. Fyrir þá sem búa í góðu hús­næði er ekk­ert því til fyr­ir­stöðu að halda veisl­una heima, sem er miklu per­sónu­legra og skiptir litlu þó að fólk sitji þröngt. Þeir sem eru að fara að ferma í vor eru nátt­úr­lega löngu búnir að bóka sal, þið sem eigið ferm­ing­ar­börn á næsta ári skuluð fara að horfa í kringum ykkur.

Boðskort, gestabók og áletruð sálmabók

Semja þarf texta í boðskortin og passa að allar nauð­syn­legar upp­lýs­ingar kom­ist örugg­lega til skila. Oft er mynd af ferm­ing­ar­barn­inu á kort­inu, frá því það var lítið, nýleg mynd eða bæði. Þeir sem geta hannað sjálfir og prentað út heima eru nátt­úr­lega með pálmann í hönd­unum en margir staðir sjá um þetta. Ekki gleyma gesta­bók­inni það er alltaf gaman að rifja upp hverjir mættu í veisl­una og glödd­ust með ferm­ing­ar­barn­inu. Sumir velja að láta áletra sálma­bók­ina með nafni ferm­ing­ar­barns­ins og dag­setn­ingu, þ.e. ef ferm­ing­ar­barnið kýs að ferm­ast að kristi­legum sið. Slíkt er auð­vitað best að gera með fyr­ir­vara og getur verið gaman fyrir ferm­ing­ar­barnið að eiga bók­ina mörgum árum síðar.

Myndasýning

Vinsælt er að leyfa myndum af ferm­ing­ar­barn­inu að rúlla meðan á veisl­unni stendur. Ef til eru mynd­bönd af ferm­ing­ar­barn­inu er gaman að klippa saman stutta mynd og sýna á hápunkti veisl­unnar. Munið samt að prófa græjurnar og allt virki eins og það á að gera þegar að stóru stund­inni kemur.

Fermingarföt

Fatn­að­ur­inn er eitt mik­il­væg­asta atriðið í augum margra ferm­ing­ar­barna. Gott er að byrja að skoða hug­myndir um fatnað í tíma til að geta verið viss um að réttu fötin fáist í tæka tíð. Tísku­vöru­versl­anir eru fullar af alls konar fatn­aði sem gefur hug­myndir um hvert straum­arnir liggja þetta árið. Ef barnið langar í eitt­hvað sér­stakt þarf kannski að fara í smá­rann­sókn­ar­vinnu og jafn­leg kaupa fötin á Netinu. Sumir kjósa að ferm­ast í íslenskum þjóð­bún­ingi og fá