Þessir ham­borg­arar eru litlir, u.þ.b. 2 munn­bitar, fitu­hlut­fallið í þeim er í kringum 15-17 % og verða þeir mun safa­rík­ari ef hakkið er þetta feitt. Sama gildir um þennan rétt eins og aðra að það er hægt að und­ir­búa hann einum til tveimur dögum áður en veislan er og svo er bara að steikja þá og raða saman dag­inn sem bera skal her­leg­heitin fram. Brauðin má nálg­ast í flestum bak­ar­íum en best er að hringja degi á undan til að vera alveg viss um að brauðin verði til.

2 msk. hun­ang
1 msk. kjúklinga­kraftur
1 búnt kórí­ander, ferskur, saxaður
safi úr einni sítrónu
salt og pipar

Setjið allt nema kórí­ander í pott og sjóðið í 40 mín. Maukið með töfra­sprota í pott­inum þar til áferðin verður mjúk (einnig má nota mat­vinnslu­vél). Bætið kórí­and­ernum saman við. Bragð­bætið eftir smekk með salti og pipar.

Hamborgarar

1,5 kg af nauta­hakki sem er 15-17 % feitt
150 g elduð hrís­grjón
1 egg
10 sneiðar af eld­uðu beikoni, smátt skornar
2 msk. af BBQ-sósu
salt og pipar
1 tsk. papriku­duft
1 tsk. hvít­lauks­duft

Blandið öllu saman og leyfið að liggja í minnst 2 tíma áður en hnoðað er í 50 g ham­borg­ara. Grillið í 3 mín. á hvorri hlið eða bakið í ofni á 180°C í 10-12 mín. og raðið þeim því næst á brauð með með­læt­inu.

Meðlæti

40 stk. lítil ham­borg­ara­brauð
40 sneiðar af rauð­lauk
1 poki kletta­salat
40 sneiðar af Dala Brie
1 krukka rifs­berja­sulta

Raðið saman þar til hinn full­komni ham­borg­ari er kom­inn, rauð­laukur og kál á botn­inn og Dala Brie og sulta ofan á kjötið. Gott er að stinga pinna eða prjón í hann til að hann hald­ist á sínum stað.

Umsjón / Hinrik Carl Ell­erts­son
Stílistar / Sigríður Björk Braga­dóttir og Katrín Rut Bessa­dóttir
Myndir / Hákon Davíð Björns­son