Segja mis­skiln­ing og rang­færslur einkenna umfjöllun fjölmiðla

Í nýrri yfir­lýs­ingu frá Bis­skups­stofu segir að mis­kiln­ingur og rang­færslur hafi ein­kennt fjöl­miðlaum­fjöllun um mál Skírnis Garð­ars­sonar. Fjallað hefur verið um mál Skírnis í fjöl­miðlum en Agnes Sig­urð­ar­dóttir biskup rak séra Skírni úr emb­ætti vegna brots á trún­að­ar­skyldu.

Í yfir­lýs­ing­unni segir að öll umfjöllun um að kirkjan hafi brotið á honum hvað ráðn­ingsamn­ing varðar vera ranga.

Í yfir­lýs­ing­unni segir að Skírni hafi í verið gef­inn kostur á að skýra mál sitt frekar gagn­vart kirkj­unni sem hann gerði nýverið í bréfi en að þær útskýr­ingar hafi ekki breytt afstöðu kirkj­unnar um að afþakka þjón­ustu hans.

Í yfir­lýs­ing­unni segir einnig að það sé rangt að Skírni hafi áður verið vikið úr starfi. Hið rétta sé að hann hafi verið færður til í starfi árið 2016 að eigin ósk.

Yfir­lýs­ing­una má lesa í heild sinni hér fyrir neðan:

Vegna við­tals við Skírni Garð­ars­son og umfjöll­unar um þjón­ustu­lok hans í fjöl­miðlum er eft­ir­far­andi upp­lýs­ingum komið á fram­færi.

Mis­skiln­ings eða rang­færslna hefur gætt í umfjöllun um mál sr. Skírnis Garð­ars­sonar. Skírnir hefur lokið þjón­ustu sinni fyrir þjóð­kirkj­una vegna brots á trún­að­ar­skyldu. Réttindi hans í ráðn­ing­ar­samn­ingi eru hins vegar óbreytt og verða að öllu virt. Umfjöllun um að kirkjan hafi brotið á honum með upp­sögn á ráðn­ing­ar­samn­ingi er því röng.

Skírni var gef­inn kostur á að skýra mál sitt frekar sem hann og gerði í bréfi. Þær útskýr­ingar breyttu ekki afstöðu kirkj­unnar um að afþakka þjón­ustu hans.

Skírnir verður sjö­tugur á haust­mán­uðum n.k. og þá lýkur hans ráðn­ing­ar­sam­bandi við þjóð­kirkj­una.

Þá er rangt að Skírni hafi áður verið vikið úr starfi. Hann var færður til í starfi árið 2016 að eigin ósk með gagn­kvæmum samn­ingi.

Til presta leitar fólk með alla flóru mann­legra til­finn­inga, í erf­iðum og við­kvæmum aðstæðum, í gleði eða dimmum dal sorgar. Trún­að­ar­skylda presta er algild, nema hvar lögin segja annað.

Afstaða bisk­ups er skýr. Kirkja fólks­ins, þjóð­kirkjan, er staður þar sem fólk nýtur skjóls, trún­aðar og virð­ingar.

Hafi, í gegnum tíð­ina, skort á fum­leysi og ákveðni af þjóð­kirkj­unnar hálfu gagn­vart brotum presta gegn fólki sem myndar kirkj­una og nýtir hana, er þeim tíma lokið.