Búinn að missa 30 kíló síðan í sumar: „Núna þarf ég aðeins að monta mig“

Söngv­ar­inn Valdimar Guð­munds­son seg­ist þurfa að monta sig aðeins í nýrri færslu á Twitter þar sem hann er búinn að missa 30 kíló síðan hann steig síð­ast á vigt í sumar. Hann seg­ist ekki hafa farið öfga­fullar leiðir til að ná þessum góða árangri.

„Bara aðeins holl­ara matar­æði og kærasta sem stoppar mig þegar mig langar að panta pizzu þegar ég nenni ekki að elda,“ útskýrir Valdimar.

Valdimar hefur í gegnum árin talað opin­skátt um mat­ar­fíkn sem hann glímir við, meðal ann­ars í við­tali við Einka­lífið á Vísi. Þar lýsti hann mat­ar­fíkn sem „spes“ fíkn.

Valdimar ræddi lífs­stíl sinn einnig í við­tali við Vikuna árið 2012. Þá hafði hann nýlega byrjað að mæta í rækt­ina og misst um 30 kíló. Þá sagði hann mark­miðið vera að kom­ast í kjör­þyngd.

„Ég finn fyrir miklum stuðn­ingi og fólk ber frekar umhyggju fyrir mér en að vera með for­dóma. Ég er hepp­inn að hafa alltaf átt góða vini og verið vel lið­inn sem mann­eskja. Ég lenti aldrei í ein­elti, var kannski strítt pínu­lítið, en það var aldrei neitt alvar­legt. Ég hef alltaf verið feitur,“ sagði Valdimar í við­tali sem birt­ist í Vikunni.