„Ef við göngum að kröfum Eflingar eins og þær eru settar fram núna erum við ekki bara að hækka laun í sam­ræmi við lífs­kjara­samn­ing­ana heldur til við­bótar þannig að þeir sem áttu að bíða eða fá í raun minni kjara­bætur, þeir sem eru með heldur hærri laun, háskóla­menntað fólk og svo fram­vegis, væru orðin ansi nálægt ófag­lærðum í kjörum og við vitum það sem tengj­ast þessum samn­ingum að það yrði aldrei sam­þykkt af öðrum við­semj­endum.“ -Dagur B. Egg­erts­son, borg­ar­stjóri Reykja­víkur.

„Á Íslandi má refsa þér alla ævi fyrir að hafa ekki sest á skóla­bekk.“ -Sólveig Anna Jóns­dóttir, for­maður Eflingar.

„Tilvist manna í skóla er sjaldan merki­legri en til­vist manna utan skóla og reynsla sem menn öðl­ast í skóla er sjaldan mik­il­væg­ari en sú sem fæst utan skóla.“ -Kári Stef­áns­son, for­stjóri Íslenskrar erfða­grein­ingar.

„Þegar það að finna sig best í klæðn­aði, sem telst ekki hefð­bund­inn hjá vest­rænum, karl­kyns, íhalds­sömum stjórn­mála­mönnum, er sagt stuðn­ingur við óhæfu­verk, jafn­vel gyð­inga­hatur, er mér eig­in­lega nóg boðið.“ -Logi Ein­ars­son, for­maður Sam­fylk­ing­ar­innar. Tilefnið ummæl­anna eru pistla­skrif Einars S. Hálf­dán­ar­sonar í Morg­un­blað­inu, þar sem hann segir rauðan háls­klút sem Logi klæð­ist stundum tal­inn stuðn­ings­yf­ir­lýs­ingu við „gyð­inga­hat­urs- og hryðju­verka­sam­tökin Hamas“.

„Umbóta­öflin á Íslandi eru í sókn. Þau myndu styrkj­ast enn frekar með end­ur­nýjun VG og mál­efna­legri og virkri fjar­lægð flokks­ins frá núver­andi varð­stöðu um óbreytt valda­kerfi í land­inu. Ella á VG að mínu mati ekk­ert betra skilið en að bíða afhroð í næstu þing­kosn­ingum.“ -Svanur Krist­jáns­son, pró­fessor í stjórn­mála­fræði.

„Varð­hundar kerf­is­ins, aðal­lega þing­menn og ráð­herrar Sjálf­stæð­is­flokks og Fram­sóknar detta hins vegar í gam­al­kunn­ugt gelt. Stóru orðin voru ekki spöruð. Þingmenn minni­hlut­ans voru kall­aðir lodd­arar og lýð­skrumarar fyrir það eitt að kalla eftir auknu gegn­sæi og upp­lýs­ingum um grund­vall­ar­mál sem tengj­ast auð­linda­nýt­ingu.“ -Þor­gerður Katrín Gunn­ars­dóttir, for­maður Við­reisnar, er undr­andi á við­brögðum Sjálf­stæð­is­flokks­ins við beiðni stjórn­ar­and­stöð­unnar á Alþingi um Namib­íu­skýrslu.

„Eru manna­ráðn­ingar í skjóli leyndar eðli­legar á fjöl­miðli sem á allt sitt undir gagn­sæi?“ -Þóra Kristín Ásgeirs­dóttir, upp­lýs­inga­full­trúi Íslenskrar erfða­grein­ingar, um leyni­makkið í kringum ráðn­ingu nýs útvarps­stjóra.

„Þetta var frekar brjálað augna­blik.“ -Hildur Guðna­dóttir tón­skáld um auga­blikið þegar hún veitti við­töku Ósk­arsverð­laun­unum við­töku og sá heims­þekkt tón­skáld á borð við John Williams úti í sal.