Billie Eilish er hætt að lesa athugasemdir á samfélagsmiðlum: „Það var að rústa lífi mínu“

Tón­lista­konan Billie Eilish er hætt að lesa athuga­semdir sem fólk skrifar á Instagram-síð­una hennar. Hún sagði frá þessu í við­tali við BBC þar sem hún og bróðir hennar, Finneas O’Connell, ræddu m.a. nýja Bond-lagið, No Time to Die. Í við­tal­inu ræddu einnig þau menn­ing­una sem ríkir á sam­fé­lags­miðlum.

Eilish, sem er ekki nema 18 ára, tók ákvörðun fyrir nokkrum dögum um að hætta að lesa athuga­semdir fólks á sam­fé­lags­miðlum. „Það var að rústa lífi mínu,“ sagði hún þegar hún var spurð út í af hverju hún ákvað að hætta.

Bróðir hennar tók þá fram að margt fólk haldi að móðg­anir og sví­virð­ingar þeirra geti ekki haft áhrif á frægt fólk en tók fram að það sé mik­ill mis­skiln­ingur.

Eilish kom, sá og sigr­aði á Grammy-verð­laun­unum sem fóru fram þann 27. jan­úar. Hún var til­nefnd til átta verð­launa, og hlaut fimm þeirra, sem besti nýlið­inn, fyrir besta lag árs­ins Bad Guy, sem einnig var valið smá­skífa árs­ins. Plata Eilish, When We All Fall Asleep,Where Do We Go, var einnig valin plata árs­ins og popp­plata árs­ins.

Eilish segir net­ein­eltið hafa versnað síðan hún hlaut Grammy-verð­laun. „Þetta er miklu verra en þetta hefur nokkurn tím­ann verið núna.“

Sjá einnig: Billie Eilish vill að tón­listin tali sínu máli