Það er óhætt að segja að Víðir Reyn­is­son yfir­lög­reglu­þjónn hafi haft í miklu að snú­ast und­an­farnar vikur vegna útbreiðslu kór­óna­veirunnar. Víðir segir frá því á Facebook að honum hafi und­an­farið borist margar góðar kveðjur og hvatn­ing­ar­orð fyrir vinnu sína í tengslum við bar­átt­una við veiruna. Ein kveðjan stendur þó upp úr að hans sögn.

„Ég er búin að fá fullt af góðum kveðjum, hvatn­ingu og þökkum fyrir að vinna vinn­una mína. Ég held samt að þessi sé sú fal­leg­asta. Ég fékk tár í augun við að lesa þessa kveðju frá honum Pálma Víði 11 ára,“ skrifar Víðir og birtir mynd af bréfi frá 11 ára aðdá­anda hans.

Í bréf­inu þakkar hinn 11 ára Pálmi Víði fyrir hjálp­ina. „Takk fyrir að passa upp á ömmu mína sem er 73 ára,“ skrifar hann meðal ann­ars í bréfið.

Færslu Víðis má sjá hér fyrir neðan.