Aukin áhersla á húðumhirðu

Helga segir að fólk sé í auknum mæli farið að hugsa betur um húð­ina í stað þess að reyna að hylja hana með þekj­andi farða. „Ljómandi húð er að koma sterk inn. Margir eru farnir að leggja meiri áherslu á húð­ina, bæði í förðun og í und­ir­bún­ingi með góðri húð­um­hirðu. Sífellt fleiri snyrti­vöru­fram­leið­endur eru farnir að fram­leiða snyrti­vörur sem inni­halda góð efni fyrir húð­ina og ég held að slíkar vörur verði vin­sælar á árinu. Þá eru margir farnir að nota meira af krem­vörum í stað púð­urs. Þegar líður á sum­arið held ég að fólk muni í auknum mæli leyfa húð­inni að njóta sín og mála sig lítið. En það er alltaf mik­il­vægt að muna eftir sól­ar­vörn!“

Rjóðar kinnar

Helga spáir því að vin­sældir kinna­lits verði miklar á árinu. „Þá er líka flott að stað­setja kinna­lit­inn svo­lítið frjáls­lega og draga hann jafn­vel aðeins inn á gagn­augað, það kall­ast „drap­ing“. Einnig er vin­sælt að setja fljót­andi „hig­hlighter“ á and­litið áður en farð­inn er settur á og kalla þannig fram nátt­úru­legan ljóma. Þetta „trend“ var áber­andi fyrir nokkrum árum og virð­ist vera að koma sterkt inn aftur.“

Litrík augnförðun

„Ég er spennt­ust fyrir mjúkum skygg­ingum á augun þar sem einn eða tveir litir eru not­aðir í litlu magni og jafn­vel smá­vegis glans líka. Í fyrra var mónókró­mísk (ein­lita) förðun mjög vin­sæl og ég er sjálf ótrú­lega hrifin af því. En skærir og bjartir litir eru líka að koma sterkir inn á þessu ári,“ segir Helga.

Það er gaman að gera til­raunir með skæra og sterka liti á augn­s­væð­inu. Mynd / Sir John / Instagram

Meira gloss

Glans­andi áferð þegar kemur að vara­lit verður vin­sæl í ár að sögn Helgu. „Mattir vara­litir víkja aðeins fyrir þeim glans­andi. Sterkir litir verða þá vin­sælir, t.d. rauðir tónar.“

Frjálslegar augabrúnir

Helga segir aðal­málið þessa dag­ana vera að leyfa auga­brún­unum að vaxa frjáls­lega. „Nátt­úru­legar og þykkar auga­brúnir verða áfram vin­sælar, sem ég er ótrú­lega hrifin af. Þá er „soap brows“-aðferðin líka alltaf jafn­vin­sæl en það er ein besta aðferðin til að kalla fram svona villtar auga­brúnir,“ segir Helga. Þess má geta að „soap brows“-aðferðin svo­kall­aða felur í sér að auga­brún­irnar eru mót­aðar með greiðu sem hefur verið nuddað upp úr sápu­stykki.

Þykkar auga­brúnir verða áfram í tísku. Mynd / EPA