Rúnar útskrifaðist með BA Honours í söngleikjalist frá Guildford School of Acting í Bretlandi. Þar hlaut hann McGrath skólastyrkinn og var einnig valinn í GSA Singers elítusönghóp skólans. Í Englandi fór hann með hlutverk Curtis „Shank“ Jackson í söngleiknum Sister Act og sigldi svo um heimshöfin í leikhúsum Aida Cruises í þrjú ár, á milli þess að vera búsettur í Englandi.
Hann segir reynsluna á skemmtiferðaskipunum ógleymanlega.
„Þetta var frekar sturlað og gat líka verið erfitt. Þetta er allt annar heimur. Vinirnir og minningarnar eru samt ómetanlegar,ׅ“ segir Rúnar Kristinn sem hefur meðal annars komið fram í We Will Rock You í Háskólabíói og sjónvarpsþáttunum Burðardýr 2 eftir að hann flutti heim.
Söngleikurinn Vorið vaknar, sem hlaut átta Tony awards þegar hann var frumsýndur á Broadway árið 2006, er byggður á þýsku leikriti eftir Frank Wedekind og fjallar um fyrstu kynlífsreynsluna, kvíða, ofbeldi og frelsisþrá þar sem tilfinningum persónanna er fundinn farvegur í melódískri rokktónlist sem endurspeglar þeirra innra líf. Rúnar Kristinn leikur vandræðagemsann Moritz og viðurkennir að það sé margt líkt með þeim.
„Allavega þegar ég var unglingur. Báðir miklir ofhugsarar, pössum ekki almennilega í neitt form. Báðir of mikið út um allt í hausnum. Það tók mig nokkur ár að bæla það allt niður,“ segir Rúnar sem líst vel á að búa á Akureyri næstu mánuðina.
„Ég bjó í Eyjum í nokkra mánuði eftir að ég kom heim þannig að mér finnst Akureyri bara þónokkuð fjörmikil. Ég er samt með tengingar hér fyrir norðan. Pabbi er Akureyringur og ég var skírður í Akureyrarkirkju.“
Viðburðir
Tók U-beygju við Heiðmörk og flúði undan löggunni – Dópaður á 160 kílómetra hraða í Ártúnsbrekku
Eivör Pálsdóttir hlaut í gærkvöldi tónlistarverðlaun Norðurlandaráðs
Sycamore Tree gerir allt vitlaust á Sjálandi: „Það verður bara partý hjá okkur!“
List til styrktar góðu málefni – ætlar þú að vera með?
100% Ull – sýning í Hönnunarsafni Íslands
Athugasemdir