Í dag hefst franska kvik­mynda­há­tíðin sem haldin hefur verið árlega frá árinu 2000 og fagnar því tutt­ugu ára afmæli um þessar mundir. Á meðal mynda er heim­ilda­myndin Wine Calling eftir Bruno Sauvard, sem verður sýnd 1. febr­úar en að sýn­ingu lok­inni verður efnt til vín­s­mökk­unar á Port 9 þar sem eng­inn annar en sjálfur Dóri DNA kynnir frönsk nátt­úru­vín.

„Áhuginn á nátt­úru­vínum kvikn­aði hjá mér fyrir tveimur árum þegar ég fór með eig­in­kon­unni til Parísar að halda upp á fer­tugs­af­mælið hennar,“ segir Dóri,  spurður út í teng­ingu hans við nátt­úru­vín. „ Þá þræddum við flotta og góða veit­inga­staði og hvar sem við komum var boðið upp á nátt­úru­vín. Í kjöl­farið frétti ég af því að fyr­ir­tækið Berjamór, sem flytur inn nátt­úru­vín, væri að leita sér að með­eig­enda svo það má kannski segja að þetta hafi verið teiknað í stjörn­u­rnar.“

Dóri bendir á að síð­ustu ár hafi nýjar og nátt­úru­legri leiðir í fram­leiðslu vína sótt í sig veðrið. Aðferð­irnar sem not­aðar eru séu nær bónd­anum og vín­fram­leið­and­anum, vínin séu fram­leidd í litlu magni og nostrað við öll smá­at­riði.

Wine Calling er einmitt um fram­leiðslu nátt­úru­vína en í henni fá áhorf­endur að kynn­ast frönskum hand­verksvín­fram­leið­endum sem hafa sjálf­bærni og nátt­úru­legar aðferðir að leið­ar­ljósi í fram­leiðsl­unni en þess má geta að ein­ungis u.þ.b. 3 pró­sent franskra vín­fram­leið­enda vinna eftir þessum aðferðum. Hér er um að ræða nýja kyn­slóð vín­gerð­ar­manna sem leita nýrra og nátt­úru­legra leiða þar sem gamlar reglur og gildi eru látin lönd og leið.

Spurður út í aðkomu hans að frönsku kvik­mynda­há­tíð­inni segir Dóri segir að franska sendi­ráðið Íslandi, sem stendur að hátíð­inni ásamt Bíó Paradís, Alliance França­ise og Institut français, hafi leitað til hans þar sem mörg af þeim vínum sem fyr­ir­tækið Berjamór flytji inn séu fram­leidd á þeim slóðum þar sem myndin er tekin. „Ég og Elmar á Port 9 munum gefa fólki að smakka tvær teg­undir af rauð­víni og eina af hvítvíni eftir sýn­ingu mynd­ar­innar og svo munum við spjalla við fólk um vínin,“ segir hann, en myndin er ein­ungis sýnd einu sinni, þann 1. Febrúar, og er vín­s­makkið  inni­falið í miða­verð­inu.

Franska kvik­mynda­há­tíðin stendur yfir í tíu daga, frá 24. jan­úar til 2. Febrúar, og verða sýndar tólf áhuga­verðar og fjöl­breyttar franskar myndir sem kvik­mynda­á­huga­fólk ætti ekki að láta fram hjá sér fara. Sumar mynd­anna eru sýndar einu sinni en aðrar nokkrum sinnum meðan á hátíð­inni stendur en nálg­ast má allar upp­lýs­ingar um dag­skrána á biop­ara­dis.is. Þá er vert að geta þess að hátíðin verður einnig í boði á Akureyri, Ísafirði og Egils­stöðum.