María á póst­kortið sem fyld­gdi með 2. tbl. Húsa og híbýla fyrr á þessu ári. Myndin er án tit­ils en segir María að hún sé sprottin úr nátt­úr­unni í nærum­hverfi hennar þar sem Víf­il­fell og Elliða­vatn kall­ast svo fal­lega á í enda­laust breyti­legum veð­ur­skil­yrðum. Verkið er unnið með olíu­litum á striga og til þess að ná fram áferð­inni mál­aði hún lag ofan á lag og er myndin aðal­lega máluð með stórum spöðum

Póst­kortið sem fylgdi með 2. tbl. Verkið er án tit­ils en er sprottið upp úr nærum­hverfi Maríu.

Hvernig lista­maður ertu?
Ég veit það ekki alveg en ég mála í frí­stundum og er drifin áfram af innri þrá eftir að ná fram ein­hverju sem getur kall­ast sam­spil áferðar, forma og lita.

Hér sést vel sam­spil áferðar, forma og lita.

Mynd: Aðsend

Hvenær byrj­aðir þú að mála og hvernig kom það til?
Eftir þó nokkuð mörg ár í afar skemmti­legri vinnu og leik með leir og leir­mótun, þar sem vinnu­ferlið frá upp­haf­s­punkti hug­myndar að end­an­legri afurð er afar langt og flókið, fékk ég þörf fyrir að prófa að stytta leið­ina og fá nán­ast útkom­una strax.

Hvernig er ferlið frá hug­mynd að mynd?
Flókið og getur verið langt en sam­spil lita og forma ráða að mestu för.

María hefur málað mörg fal­leg abstrakt­verk. Mynd/Hallur Karlsson

Hvernig mynd­irðu lýsa þínum list­ræna stíl?
Ég er mjög stór­huga, mála stórt og þarf mik­inn „text­ure“ í verkin. Áferðin, lita­sam­setn­ingin og formið verða að spila saman.

Hefur þú alltaf haft gaman að því að teikna og mála?
Nei, ég kunni ekki að teikna sem barn og fékk stundum bágt fyrir í skóla. Áhuginn vakn­aði á full­orð­ins­aldri.

Náttúran er Maríu hug­leikin. Mynd/Hallur Karlsson

Ferð þú mikið á sýn­ingar og fylgist þú með öðrum lista­mönnum?
Já, ég hef veru­legt yndi af því að fara á sýn­ingar, bæði hér heima og erlendis. Á náms­árum mínum í Noregi varð ég hreint gagn­tekin á E. Munch-safn­inu í Ósló þegar ég steig fæti mínum þar inn.

Hvenær sól­ar­hrings­ins finnst þér best að vinna?
Snemma á morgn­ana og seint á kvöldin.

Verkið Fífur er stórt verk eftir Maríu. Mynd/Hallur Karlsson

Hvaða lista­menn eru í mestu upp­á­haldi hjá þér?
Nína Tryggva­dóttir á sinn ákveðna sess stöðugan hjá mér og Kjarval er alltaf allt um kring. Seinni stór­sýn­ingar á verkum Chagall og Magrett í Lousiana DK, lifa enn með mér. Miró, Gaudi og Picasso í Barcelona eru líka vissu­lega mínir menn. Á seinni árum var heim­sóknin í geggj­aða safnið hans Salvador Dali í heimabæ hans í Figueres á Spáni eld­skírn.

María er gríð­ar­lega hæfi­leik­a­rík lista­kona. Mynd/Hallur Karlsson