Margir kjósa að nýta páska­fríið til úti­vistar. Á dög­unum var settur á lagg­irnar rat­leikur þar sem þátt­tak­endum gefst kostur á að njóta úti­veru og íslensks menn­ing­ar­arfs á sama tíma. Nemendur í Hagnýtri menn­ing­ar­miðlun við Háskóla Íslands bjuggu til leik­inn í haust í nám­skeið­inu leikja­væð­ing og menn­ing­ar­arfur. Leik­ur­inn er til­valin afþrey­ing fyrir alla fjöl­skyld­una.

Hall­gríms­kirkja er eitt þekktasta verk Guðjóns og helsta kenni­leiti Reykja­víkur.

Rat­leik­ur­inn heitir Gengið með Guðjóni Sam­ú­els­syni þar sem ferð­ast er um mið­bæ­inn og nokkrar af þekkt­ustu bygg­ingum Guðjóns eru heim­sóttar, hlustað er á fróð­leik og léttum spurn­ingum svarað.

Rat­leik­ur­inn er aðgengi­legur í smá­forrit­inu Turf Hunt sem hægt að ná í ókeypis á Apple Store og Google Play­store.
https://locatify.com/turfhunt-2/

Forritið nýtir GPS stað­setn­ingar til að stað­setja þátt­tak­endur á kort­inu virkj­ast hver stöð sjálf­krafa.

Rat­leik­ur­inn er aðgengi­legur í smá­forrit­inu Turf Hunt sem hægt að ná í ókeypis á Apple Store og Google Play­store.

Fyrsti við­komu­stað­ur­inn er Aðal­bygg­ing Háskóla Íslands og þegar þátt­tak­endur koma þangað opn­ast á aðrar stöðvar og hægt er að velja að fara rétt­sælis eða rang­sælis hring um mið­bæ­inn.

Mælt er með að hafa heyrn­ar­tól með­ferðis þar sem bæði tón­list og upp­lestur er hluti af leiknum. Góða skemmtun!