Helena Ósk Ósk­ars­dóttir .

Helena er nem­andi á öðru ári í arki­tektúr við Lista­há­skóla Íslands og Hafþór er starf­andi tattúlista­maður og hafa þau sett sinn svip á íbúð­ina sem er virki­lega nota­leg.

Helena tók á móti okkur og á sama tíma laum­aði sex mán­aða hverfiskött­ur­inn Lóa sér inn, sat fyrir eins og atvinnu­fyr­ir­sæta og vildi sig hvergi hreyfa fyrr en að heim­sókn lok­inni og hvarf þá á braut.

Íbúðin er 66 fm að stærð og sam­anstendur af tveimur her­bergjum, stofu, eld­húsi og bað­her­bergi. Úr stof­unni er svo gengið út á huggu­legar svalir sem snúa í suður. Helena og Hafþór eru mjög ánægð í íbúð­inni og segir Helena jafn­framt að þótt inn­rétt­ingar og gól­f­efni séu kannski ekki alveg í takt við það sem hún hefði valið, hefði hún fengið að ráða, hafi þau náð að setja sinn svip á íbúð­ina.

Velur hluti af kostgæfni

And­rúms­loftið er hlý­legt og minnir stíll­inn á heim­il­inu svo­lítið á önnur lönd meg­in­lands Evrópu, líkt og Belgíu og Holland, en dökkur viður og vönduð hús­gögn eru ein­kenn­andi í inn­an­húss­hönnun þeirra landa. Er það mjög ólíkt skand­in­av­íska stílnum þar sem ljós­ari litir og ljós­ari viður er ríkj­andi.

Helena hefur skapað sinn eigin stíl og seg­ist hafa sér­stak­lega gaman af því að fara á flóa­mark­aði og finna fal­lega hluti en innbú hennar og Hafþórs er að mörgu leyti til­komið vegna ferða hennar á slíka mark­aði. Námsmenn þurfa oft og tíðum að vera útsjón­ar­samir og nægju­samir og eru því ferðir á flóa­mark­aði til­valdar. Því hafi til að mynda Góði hirðirinn og Ikea reynst þeim vel en Helena seg­ist ekki fylgja tísku­straumum, heldur velur hún hluti inn á heim­ilið af kost­gæfni, hluti sem henni þykja fal­legir óháð því hvaðan þeir koma. Hún segir jafn­framt að henni finn­ist eldri hús­gögn gefa heim­il­inu skemmti­legan karakter.

Þegar Helena var 15 ára stund­aði hún nám við Mynd­lista­skól­ann í Kópavogi en kenn­ar­inn hennar við skól­ann kynnti Fridu Kahlo fyrir henni sem átti eftir að hafa mikil áhrif á hana. ,,Ég varð eig­in­lega ást­fangin. Ég mál­aði mikið á þessum tíma og heill­að­ist alger­lega af stíl Fridu sem má eig­in­lega lýsa sem nokk­urs konar draum­kenndum veru­leika og allar götur síðan hefur hún veitt mér mik­inn inn­blástur,‘‘ segir Helena en stórar myndir af Fridu Kahlo setja skemmti­legan svip á heim­ilið. Mynd / Unnur Magna

Form og gerð rýmis þarf að fá að ráða för

„Mörgum finnst ekki taka því þegar þeir búa í stúd­enta­í­búðum að gera þær fínar vegna þess að dval­ar­tím­inn þar er oft frekar stuttur í heild­ar­sam­heng­inu,‘‘ segir Helena og bætir við að það sé samt sem áður afar mik­il­vægt að líða vel heima hjá sér. Þess vegna hafi hún strax tekið þá stefnu að gera heim­ilið eins nota­legt og hún gæti þrátt fyrir að ætlun hennar og Hafþórs sé ein­ungis að búa í íbúð­inni í nokkur ár.

Mynd / Unnur Magna

Að búa í stúd­enta­í­búð setur fólki ýmsar skorður en til dæmis má ekki negla nagla í veggi og þarf því að finna aðrar lausnir. Þyngstu mynd­unum sem ekki er hægt að hengja öðru­vísi upp en með nöglum kom Helena fyrir á skemmti­legan hátt á bekk í stof­unni. Það er því vel hægt að finna góðar lausnir og aðlaga sig aðstæð­unum en Helena bendir einnig á að það sé mjög mik­il­vægt að taka til­lit til forms og gerðar rým­is­ins þegar inn­réttað er og leyfa því svo­lítið að ráða för því þannig sé hægt að laða fram það besta, þá sér í lagi þegar plássið er af skornum skammti. Hún segir einnig að það sé afar mik­il­vægt að geta gert gott úr því sem maður hefur, vera lausn­a­mið­aður og nýt­inn. Það þurfi því alls ekki að kosta mikið að gera heim­ilið huggu­legt. Við kveðjum Helenu, þökkum henni kær­lega fyrir en heim­ili hennar og Hafþórs veitir svo sann­ar­lega góðan inn­blástur.

Mynd / Unnur Magna

Mynd / Unnur Magna