Í barnaherbergjum getur það reynst mikil áskorun að koma öllu dóti fyrir í hirslum á handhægan hátt en þar geta hirslur undir rúmum verið sniðug lausn líkt og geymslubox á hjólum. Gullna reglan er að kaupa engar hirslur fyrr en búið er að grisja og losa sig við það dót sem ekki er lengur í notkun. Rúm með innbyggðum hirslum er einnig sniðug lausn sem auðveldar barninu að nálgast dótið sem og að ganga frá því að leik loknum.
Rými undir stigum er oft illa nýtt og marga skortir hreinlega hugmyndir. Þessi rými geta nýst vel sem viðbótar geymslurými, til dæmis fyrir skó og útifatnað, ef það er í nálægð við forstofuna. Að setja upp bókahillur í rýminu er einnig sniðug lausn en auk þess er hægt að útbúa þar litla heimaskrifstofu.
Innbyggð hilla í sturtunni er góð leið til þess að geyma sjampó og sápur á snyrtilegan hátt og auðveldar þér að hafa hlutina á réttum stað. Best er að gera ráð fyrir slíkri hillu frá upphafi þegar baðherbergi er hannað þá sér í lagi þegar veggir eru flísalagðir.
Þegar kemur að því að velja innréttingar fyrir eldhúsið skaltu hafa í huga að skúffur eru yfirleitt hentugri en neðri skápar. Það er til dæmis betra að geta dregið út skúffu með þungum pottum heldur en að beygja sig eftir þeim inn í skáp. Í flestum verslunum sem selja innréttingar er dýrara að kaupa skúffueiningar heldur en skápa en þegar kemur að skipulagi í eldhúsinu er ekki gott að spara um of. Allt sem auðveldar vinnuna í eldhúsinu er þess virði að fjárfesta í.
Bækur eru ómissandi á hverju heimili en mörgum finnst bókahillur íþyngjandi. Í stað þess að vera með hefðbundnar bókahillur sem standa á gólfi settu þá upp veggfestar stakar hillur. Lofthæðin nýtist betur þar sem hillurnar komast nær loftinu. Með því að hafa gólfflötinn hreinan virðist rýmið einnig vera stærra og yfirbragðið verður léttara. Mikilvægt er að huga vel að festingum þar sem bækur geta verið þungar og varast skal að hafa hillurnar of djúpar.
Mynd: Manhattan Nest
Myndir / Úr safni
Kjósa
Hvernig finnst þér þessi grein? Skráðu þig inn til að kjósa.
Tengdar greinar
góð ráð
Rökhugsunin virkar ekki sem skyldi þegar fólk er æst
Sara Dögg Eiríksdóttir, félagsráðgjafi og fjölskyldufræðingur hjá Samskiptastöðinni, segir ágreining í samböndum vera eðlilegan og óhjákvæmilegan. En ágreininginn þarf að tækla rétt og hún gefur nokkur góð ráð í nýjum pistli sem lesa má hérna. Meðal þess sem Sara mælir með að fólk geri er að æfa sig í að ná ró og stjórn á skapinu. „Þegar við verðum reið...
Heldur þú heimilinu gangandi á meðan maki þinn gerir ekkert?
Það getur verið krefjandi að vera í parasambandi og algengt umkvörtunarefni para eða hjóna er upplifun á ójafnri verkaskiptingu á heimilinu. Íris Eik Ólafsdóttir fjölskyldufræðingur og sáttamiðlari, skrifar um málið í sinn nýjasta pistil. Hún segir fólk oft upplifa sig gera allt á meðan makinn gerir ekki neitt innan heimilisins. „Algengt er að parið upplifi stöðu sína á afar mismunandi...
Bólótt húð – hvað er til ráða?
Til að viðhalda fallegri og heilbrigðri húð er nauðsynlegt að hugsa vel um hana og nota snyrtivörur sem henta húðgerð manns. Gríðarlegt úrval snyrtivara er á markaðinum í dag og oft vefst fyrir fólki hvaða vörur henta því vegna þess að það vantar skilning og þekkingu á eigin húð.
Rakagefandi hanskar frá Muraki
Nú þegar allir huga að handþvotti finna eflaust margir fyrir þurrki á höndum. Við rákumst á þessa rakagefandi hanska frá Meraki en þeir eru tilvaldir ef þú vilt gera vel við þig. Hanskarnir eru auðveldir í notkun. Þú þværð vandlega á þér hendurnar með heitu vatni, setur á þig rakagefandi handáburð og skellir svo hönskunum á þangað til áburðurinn hefur...
Fín viðbót við daglega fæðu
Sítróna inniheldur góð næringarefni. Í sítrónum eru andoxunarefni og flavoníðar sem bæði byggja upp ónæmiskerfið og örva endurnýjun frumna í líkamanum. Þeir sem þola beiska bragðið ættu endilega að nýta sér börkinn því í honum eru efni sem draga úr bólgum og geta komið í veg fyrir að bólgur myndist í líkamanum. Nú og svo vita auðvitað allir að C-vítamín...
Trefjarík og full af C-vítamíni
Þó okkur finnist það skrítið þá eru epli af rósarætt og til eru yfir 7500 afbrigði af þeim. Fjölmargar eplategundir eru fluttar til landsins í dag og sífellt má sjá fleiri tegundir í matvöruverslunum landsins. Litur, lögun, bragð, áferð og uppskerutími er mismunandi eftir tegundum. Einnig er mismunandi hvernig best er að geyma hverja tegund fyrir sig til þess að...
Athugasemdir