Gunnar Karl Gíslason, eigandi staðarins og matreiðslumaður á DILL, keypti vörumerkið af fyrrum kollegum sínum af gamla DILL sem þá var staðsettur við Hverfisgötu eins og flestir muna. Gunnar var búsettur ásamt fjölskyldu sinni í New York um nokkurra ára skeið þar sem hann stofnaði veitingastaðinn Agern ásamt Claus Mayer en staðurinn hlaut Michelin-stjörnu árið 2016.
Gunnar ákvað að hanna nýja DILL sjálfur og fékk til liðs við sig góðan vin sinn, hönnuðinn og listamanninn Anthony Bacigalupo. Það samstarf gekk vel og er óhætt að segja að útkoman sé stórkostleg. Nýnorræn matargerð er sú matarstefna sem fylgt er á DILL.
Það sem einkennir þá stefnu er að hráefnið er sótt í nærumhverfið, haldið er í hefðir og náttúrunni gert hátt undir höfði.
„Að mínu mati þurfa veitingastaðir að mynda kósí stemningu þannig að gesturinn vilji helst ekki fara. Þeir þurfa að vera hlýlegir, halda utan um gestina þannig að þeir nái að síga niður í stólinn og slaka á. Lýsingin er gríðarlega mikilvæg og að sama skapi tónlistin. Þetta spilar allt saman og skiptir miklu máli,“ segir Gunnar Karl.
Lestu viðtalið í heild sinni og sjáðu fleiri myndir í nýjasta Hús og híbýli.
Hús & híbýli
Landsliðs- og markadrottning selur í Mosfellsbæ
Litrík og skemmtileg heimili í nýja blaðinu
Hvað ætla hönnuðirnir að sjá á HönnunarMars?
Deiglumór, áhugaverð heimildabók um leirlist á Íslandi 1930–1970
Sjöan frá Fritz Hansen, fyrir börn
Athugasemdir