„Mér líður bara mjög vel. Síðustu vikur hafa auð­vitað verið erf­iðar og verk­efnið krefj­andi. Ég er með frá­bært teymi með mér þannig að ég er langt í frá bug­aður heldur bjart­sýnn,“ segir Bogi Nils Bogason, for­stjóri Icelandair, um líðan sína en for­stjóri flug­fé­lags­ins hefur staðið í stöngu und­an­farið við að reyna að end­ur­fjár­magna rekst­ur­inn til að bjarga flug­fé­lag­inu frá falli.

Bogi við­ur­kennir að það hafi verið mik­ill léttir að ná samn­ingum við flug­menn félags­ins í gær­kvöldi. Samkvæmt heim­ildum Mannlífs kveður samn­ing­ur­inn á um 25 pró­senta launa­lækkun flug­manna og hafa þeir meðal ann­ars gefið eftir frí­daga og eru til­búnir til að auka vinnu­fram­lag. Enn er allt stál í stál á milli Icelandair og flug­freyja. Samkvæmt heim­ildum Mannlífs eru kröfur Icelandair mun væg­ari en komið hefur fram í fjöl­miðlum, eða nokkuð í anda þess sem flug­mönnum hefur boð­ist. Grunn­laun flug­freyja eru þó tals­vert lægri en flug­manna. Þá herma heim­ildir Mannlífs einnig að stjórn og for­stjóri Icelandair hafi nú þegar lækkað laun sín um 30 pró­sent og allir helstu stjórn­endur félags­ins um 20 pró­sent.

Aðspurður vill Bogi ekki stað­festa þessar launa­lækk­anir sem flug­menn og stjórn­endur hafa tekið á sig. Hann stað­festir að til­boð til flug­freyja sé í anda þess sem öðrum er boðið. „Þetta var mik­il­vægur áfangi. Það voru gerð­ast tals­verðar breyt­ingar sem auka fram­legðni og vinnu­fram­lag til að auka sam­keppn­is­hæfni félags­ins. Við erum að horfa til þess að breyta samn­ingum hjá flug­freyjum með sama hætti.“

Sjá nánar hér: Samn­ingar nán­ast í höfn

Bogi segir að Icelandair hafi oft reynt að gera þær breyt­ingar á samn­ingum sem nú þykja nauð­syn­legar. Þegar hann er spurður útí hvort það valdi honum áhyggjum hversu erf­ið­lega hefur gengið að ná samn­ingum við flug­freyjur þá segir hann svo ekki vera. „Ég hef nokkuð góðan skiln­ing á því að það taki tíma að ganga frá svona stórum breyt­ingum á samn­ingum sem við erum að óska eftir. Það liggur fyrir að fjár­festar vilja hafa fyr­ir­sjá­an­leika til langs tíma hvað þetta varðar og því réð­umst við í þessa vinnu núna. Ég hef alltaf verið jákvæður fyrir því að samn­ingar við FFÍ náist því það er mjög mik­il­vægt fyrir félagið.“

Aðspurður um hvort hann ótt­ist að félagið kunni að falla semji flug­freyjur ekki þá segir hann það vissu­lega mik­il­vægan þátt í fram­tíð félags­ins. „Sú er bara staðan en það er samt ekk­ert neitt eitt sem veltir hlass­inu. Að semja við flug­freyjur er mik­il­vægur liður því ef okkur tekst ekki að klára fjár­hags­lega end­ur­skipu­lagn­ingu þá getur staðan orðið erfið.“

Bogi segir ljóst að engin skyn­semi sé í öðru en að bjarga Icelandair frá falli nú og bendir á að víða í lönd­unum í kringum Íslands séu stjórn­völd að koma flug­fé­lögum til aðstoðar. Hann er sann­færður um að ekk­ert annað flug­fé­lag geti hlaupið í skarðið svo vel sé líkt og bæði Bláfugl og Play flug­fé­lögin hafa lýst yfir. „Í raun­inni er leið­ar­kerfi okkar þess eðlis að það myndi taka önnur flug­fé­lög mörg ár að byggja slík upp. Það yrði að mínu mati gríð­ar­legt tjón fyrir hag­kerfi lands­ins ef okkar félag verður ekki klárt þegar mark­að­ur­inn tekur við sér. Það er stað­reynd að það hleypur eng­inn í skaðið fyrir Icelandair, það tekur fjölda­mörg ár,“ segir Bogi.

Bogi hefur ekki aðeins rætt við stærstu hlut­hafa Icelandair und­an­farið um aukn­ingu hluta­fjár heldur segir hann jákvæða fundi hafa átt sér stað með fag­fjár­festum. Hverjir þeir eru sem sýnt hafi þann áhuga vill hann hins vegar ekki stað­festa. Aðspurður játar hann því að allar þær þreif­ingar séu á frum­stigi og engar vilja­yf­ir­lýs­ingar á borð­inu. „Það hafa jákvæð sam­töl átt sér stað. Við höfum fundið fyrir áhuga og fengið margar fyr­ir­spurnir, bæði inn­an­lands og utan. Um leið og fjár­festar heyra af áhuga­verðum tæki­færum hafa þeir sam­band og það hefur aðeins verið um það. Sá áhugi hefur aðeins auk­ist eftir að við gáfum út að við værum að fara í hluta­fjár­aukn­ingu,“ segir Bogi.

Þannig er Bogi brattur fyrir fram­hald­inu og ekk­ert nema bjart­sýnn fyrir kom­andi vikum. Hann segir við­skipta­módel fyr­ir­tæks­ins hafa sannað sig og inn­viði þess bæði sterka og verð­mæta. „Auðvitað er alltaf hægt að gera betur í rekstri. Ég hef engar for­sendur fyrir öðru en að þetta gangi upp hjá okkur. Í raun­inni er engin skyn­semi í öðru. Við ætlum að koma okkur í gegnum þetta og vera með sterkt félag sem tryggja mun sterka við­spyrnu íslensks hag­kerfis.“