For­svars­menn Icelandair og Play-flug­fé­lags­ins þjóta nú, sam­kvæmt heim­ildum Mannlífs, á milli funda með fjár­festum og stjórn­endum íslensku líf­eyr­is­sjóð­anna í þeirri von að safna frek­ari fjár­munum til rekst­urs­ins. Munurinn er sá að for­svars­menn þess fyrr­nefnda þurfa að safna 30 millj­örðum íslenskra króna til að lifa af á meðan þeir síð­ar­nefndu leita að hund­ruðum millj­óna til að tryggja fram­tíð­ar­fjár­mögnum til vaxtar félags­ins, sam­kvæmt sömu heim­ildum Mannlífs.

Play er til­búið til leiks, að hefja flug um leið og aðstæður leyfa. Íslenskir ráða­menn hafa á sama tíma komið því skýrt á fram­færi að Icelandair sé það þjóð­hags­lega mik­il­vægt að því verði að bjarga. Útlit er fyrir að íslenska þjóðin sitji uppi með Icelandair-flug­fé­lagið og það komi alfarið í hennar hlut að bjarga því frá falli.

Nú þegar á almenn­ingur stóran hluta í flug­fé­lag­inu í gegnum eign­ar­hluti líf­eyr­is­sjóð­anna. Allt stefnir í að fólkið í land­inu eign­ist enn meira í gegnum skuld­breyt­ingu lána stóru rík­is­bank­anna sem nú þegar hafa lánað flug­fé­lag­inu í kringum 20 millj­arða króna, mögu­lega hluta­fjár­aukn­ingu líf­eyr­is­sjóð­anna og skattfé lands­manna með lánum og ábyrgðum rík­is­sjóðs. Þessu til við­bótar hefur félagið lýst því yfir að almenn­ingi verði boðin þátt­taka í hluta­fjár­út­boði og því ljóst að það verður almenn­ings að bjarga Icelandair. Á sama tíma virð­ist stærsti eig­andi félags­ins vera að kasta inn hand­klæð­inu og einka­fjár­festar virð­ast fram til þessa ekki hafa mikla til­trú á við­reisn­ar­verk­efn­inu. Heim­ildir Mannlífs herma einnig að fjár­festar séu heldur ekki allt of spenntir fyrir því að fjár­festa í Play-flug­fé­lag­inu á meðan mikil óvissa ríkir á mark­aði.