Sýndarveruleikagleraugu og Sodastream-hylki rokseljast í samkomubanni

Sala á raf­tækjum hefur marg­fald­ast í sam­komu­banni og hefur á stundum verið erfitt fyrir sölu­að­ila að kaupa inn ákveðna vöru­flokka vegna lok­ana verk­smiðja víða um heim. Kol­sýru­hylki fyrir Sodastr­eam-tæki, leikja­tölvur og svokölluð VR-gler­augu eru á meðal þess sem hafa rokið út á meðan bannið hefur staðið yfir.

Óttar Örn Sig­ur­bergs­son, aðstoð­ar­fram­kvæmda­stjóri ELKO, segir kol­sýru­hylki fyrir Sodastr­eam-tæki vera sölu­hæstu vör­una hjá ELKO síðan sam­komu­bannið var sett á. Leikja­tölvur og sýnd­ar­veru­leika­gler­augu rjúka einnig út úr búð­unum.

„Sala á VR-gler­augum hefur marg­fald­ast og það veitir örugg­lega ein­hverjum grið að skjót­ast í sýnd­ar­heima í þessu ástandi. Vörur tengdar afþr­ey­ingu hafa tekið mikið stökk í sölu og sala leikja­tölva nærri tvö­fald­ast milli ára. Sem betur fer hefur þok­ast til í Playstation-birgðum og er fram­boð að kom­ast í lag,“ segir Óttar Örn.

„Nintendo Switch-leikja­tölvan hefur verið hrika­lega vin­sæl og er nú upp­seld. Það sem hefur komið mest á óvart er sala á Sodastr­eam-hylkjum. Þau er nú sölu­hæsta varan hjá okkur og aug­ljóst að land­inn ætlar að eiga sína kol­sýru fyrir gos­vél­arnar næstu vik­urnar. Hylkin voru á tíma­bili upp­seld en ný send­ing kom, sem betur fer, í hús rétt fyrir páska.“

Nánar er fjallað um málið í nýjasta tölu­blaði helg­ar­blaðs­ins Mannlíf.