Lögðu hald á 13,5 lítra af amfetamínbasa og önnur fíkniefni

Und­an­farna mán­uði hefur Lög­reglan á höf­uð­borg­ar­svæð­inu haft til rann­sóknar skipu­lagða brota­starf­semi, sem snýr meðal ann­ars fram­leiðslu amfetamns og pen­inga­þvætti. Málið er mjög umfangs­mikið er fram kemur í til­kynn­ingu frá lög­reglu.

Átta manns voru hand­teknir í þágu rann­sóknar þess í jan­úar og í fram­hald­inu voru sex úrskurð­aðir í gæslu­varð­hald. Sex­menn­ing­arnir voru í haldi lög­reglu frá tveimur að tólf vikum, en hinir sömu eru nú allir lausir úr gæslu­varð­haldi. Samhliða var ráð­ist í á annan tug hús­leita víða á höf­uð­borg­ar­svæð­inu og lagt hald á fíkni­efni, vopn og fjár­muni.

Rannsókn máls­ins hefur miðað vel, en einn til við­bótar var hand­tek­inn í lok síð­asta mán­aðar og úrskurð­aður í gæslu­varð­hald. Það hefur nú verið fram­lengt og situr við­kom­andi því enn í gæslu­varð­haldi. Tvær hús­leitir voru fram­kvæmdar í tengslum við hand­töku þess síð­ast­nefnda og fannst þá jafn­framt tals­vert magn af amfetamín­basa. Það er mat lög­reglu að vökvann hafi átt að nota við fram­leiðslu amfetamíns hér­lendis.

Í til­kynn­ingu lög­reglu um málið hefur verið lagt hald á alls 13,5 lítra af amfetamín­basa í þágu rann­sókn­ar­innar, auk til­bú­inna fíkni­efna, sem talið er að hafi verið fram­leidd hér­lendis. Þá hefur lög­reglan enn fremur tekið í sína vörslu mikið magn stera í þágu máls­ins. Miðað við dóma í hlið­stæðum málum má ætla að verð­mæti hald­lagðra fíkni­efna sé í kringum 230 millj­ónir króna.