Þjóðkirkjan sendir unglingum boli í auglýsingaskyni– „Ok, boomer!“

Bisk­ups­stofa fer sér­kenni­lega leið til að minna á og aug­lýsa ferm­ingar árs­ins 2021, en öll börn fædd árið 2007 hafa fengið sendan hvítan bol með merki Þjóð­kirkj­unnar, bol sem kall­aður er „skírn­ar­kjóls­bolur” á heima­síðu hennar.

„Ertu fædd/ur árið 2007? Kom pakki til þín í morgun? Er lit­skrúð­ugur bómull­ar­hnoðri í pakk­anum? Ekki ótt­ast – þetta er ekki lif­andi. Þetta er bara skírn­ar­kjóls­bolur sendur til þín. Þó svo veiru­inn­rás hafi sett ferm­ingar vors­ins í kran­sa­köku sjáum við glitta í ferm­ing­ar­landið. Þá er ekki seinna né vænna að hefja ferm­ingarund­ur­bún­ing árs­ins 2021, barna fædd 2007.

Það er sumsé ekki til ferm­ingarund­ir­bún­ingur. En, það er til ferm­ingarund­ur­bún­ingur.

Ok, boomer!“

segir í til­kynn­ingu á heima­síðu Þjóð­kirkj­unnar.

Öll börn fædd árið 2007 fá bol­inn sendan, hvort sem þau hafa hugsað sér að ferm­ast eða ekki., eða 4100 börn. Bolurinn er kall­aður „upp­færður skírn­ar­kjóll,“ til að minna á ferm­ing­ar­við­burð­inn. „Skírn­ar­kjóls­bol­ur­inn er hall­æris­lega allrar athygl­is­verður, eins og oft verður um gamla skírn­ar­kjóla, sé ekki talað um ferm­ing­ar­fötin.“

Með bolnum fylgja leið­bein­ingar um að hægt sé að fá helstu upp­lýs­ingar um ferm­ingu 2021 á vefnum ferm­ing.is og má þar til að mynda sjá upp­töku af sér­stökum skila­boðum til ferm­ing­ar­barna frá séra Agnesi M. Sig­urð­ar­dóttur bisk­upi.

„Svo hlæjum við saman inn í sum­arið í þess­ari lita­bombu! Ef það var ein­hvern tím­ann tími til þess manni minn!“