Anna Aurora Waage Ósk­ars­dóttir, bak­vörð­ur­inn frægi, hefur ekki alltaf gengið undir því nafni heldur er hér um að ræða aðra ef ekki þriðju útgáfu af nafni hennar.

Fjallað er um málið í nýjasta tölu­blaði Mannlífs .

Á árunum 2011-2013 virð­ist hún hafa gengið undir nafn­inu Anna Jóna og fyrir því liggja heim­ildir í fjöl­miðlum. Fyrir þann tíma birt­ist einnig í fjöl­miðlum nafnið Natalie Ninja Ósk­ars­dóttir um leið og nafn sam­býl­is­manns og barns­föður Önnu Auroru, Hreins Heiðars Odds­sonar.

Sjá einnig: Einka­við­tal við bak­vörð­inn: „Ég var með­höndluð eins og stór­glæpa­maður“

Bak­vörð­ur­inn skaust upp á stjörnu­him­in­inn hér á landi fyrir viku síðan er hún var hand­tekin vegna ásak­ana um að hafa villt á sér heim­ildir og mein­tan þjófnað sem bak­vörður á Hjúkr­un­ar­heim­il­inu Bergi í Bol­ung­ar­vík en þar hafði hún starfað í viku. Í einka­við­tali við Mannlíf dag­inn eftir sagð­ist hún hafa ráðið sér lög­mann til að stefna Gylfa Ólafs­syni, for­stjóra Heil­brigð­is­stofn­unar Vest­fjarða, og lög­reglu­stjór­anum á Vest­fjörðum. Stefna hefur ekki borist lög­reglu­stjór­anum, að sögn Karls Inga Vil­bergs­sonar, lög­reglu­stjóra á Vest­fjörðum, og hann stað­festi jafn­framt að engin lyf hefðu fund­ist við hús­leit í vist­ar­verum bak­varð­ar­ins. Alma Möller land­læknir upp­lýsti á frétta­manna­fundi að bak­vörð­ur­inn hefði ekki rétt­indi til starfa og engin umsókn um starfs­rétt­indi lægi fyrir.

Fjölhæfur bakvörður

Fyrir utan að hafa setið um tíma sem stjórn­ar­maður Fram­sókn­ar­fé­lags Mos­fells­bæjar á Anna lög­mann­stof­una Aurora Nordic sf. ásamt sam­býl­is­manni sínum. Í vetur hefur hún sinnt kennslu­störfum í grunn­skóla og fékk til þess und­an­þágu frá mennta­mála­ráðu­neyt­inu.
Aðstoð­ar­skóla­stjóri segir Önnu Auroru hafa reynst vel í starfi og yfir henni sé ekk­ert að kvarta.

Sjá einnig: „Falski“ bak­vörð­ur­inn á fram­boðs­lista í síð­ustu kosn­ingum – „Harm­leikur“ segir fyrr­ver­andi sam­starfs­maður

DV hefur einnig greint frá því að Anna Aurora hafi reynt að villa á sér heim­ildir sem rétt­ar­meina­fræð­ingur og hafi borið fyrir sig dokt­ors­gráðu í þeim fræðum. Sami fjöl­mið­ill hefur einnig bent á hlut­verk Önnu Auroru sem for­manns Samtaka for­eldra leik­skóla­barna frá árinu 2013 en þá gekk hún einmitt undir nafn­inu Anna Jóna.

Meint fjársvik

Fjöl­miðlar hafa greint frá því að Anna Aurora sé til rann­sóknar hjá lög­reglu vegna ann­ars máls, þ.e. meintra fjársvika. Í því máli er henni líka gefið að sök að hafa villt á sér heim­ildir með því að þykj­ast vera lög­maður. Á hún að hafa fram­vísað meistara­gráðu frá erlendum háskóla sem sýni það.

Samkvæmt fyr­ir­tækja­skrá á Anna Aurora helm­ings­hlut í lög­manns­stofu á móti sam­býl­is­manni sínum, Hreini Heiðari. Þar kemur fram að fyr­ir­tækið veiti meðal ann­ars skatta­ráð­gjöf, lög­fræði­þjón­ustu og við­skipta­ráð­gjöf ásamt heim­ild til sölu bif­reiða.

Sjá einnig: Gátum ekki tekið neina áhættu varð­andi bak­vörð­inn