Salan í ÁTVR í páska­vik­unni, það er frá 6. apríl – 11. apríl, var 621.957 lítrar í ár. Til sam­an­burðar var salan á sama tíma í fyrra 526.239 lítrar. Það er aukn­ing um 18% á milli ára.

Við­skipta­vinir ÁTVR voru 98.807 tals­ins í páska­vik­unni í ár, á sama tíma­bili í fyrra voru þeir 95.158 tals­ins. Þetta er aukn­ing upp á 4%.

„Mið­viku­dag­ur­inn fyrir páska er einn af sölu­hæstu dögum árs­ins, en í ár seld­ust um 236 þús­und lítrar, sem er svipað og sama dag í fyrra, en salan dreifð­ist mun jafnar niður á dag­ana í ár,“ segir á vef ÁTVR. Þar er við­skipta­vinum þakkað fyrir þol­in­mæð­ina sem þeir sýndu þegar biðraðir mynd­uð­ust vegna fja­lægða­tak­mark­ana.

„Við þökkum við­skipta­vinum fyrir til­lits­semi og þol­in­mæði vegna fjar­lægða­tak­mark­ana og biðr­aða sem mynd­uð­ust á mestu háanna­tímum vegna tak­mark­ana sökum sam­komu­banns.“