Evr­ópu­sam­bandið leggur til að áfram­hald­andi ferða­tak­mark­anir verði í gildi meðal aðild­ar­ríkja sinna til 15. maí. Ríki eru þegar farin að stað­festa fram­leng­ingu og hyggst Ísland gera það sama. Þetta kom fram á upp­lýs­inga­fundi rík­is­stjórn­ar­innar í hádeg­inu.

Svandís Svav­ars­dóttir heil­brigð­is­ráð­herra greindi frá því að of mörgum spurn­ingum væri enn ósvarað hvað ferða­lög erlendis varðar til að spá til um hvernig næstu miss­eri verða. Hún benti á að við­brögð ann­arra ríkja spila stórt hlut­verk.

Spurð út í flæði ferða­manna og ferða­lög Íslend­inga erlendis næstu vikur og mán­uði sagði Svandís að ómögu­legt væri að segja til um hvernig því verður háttað að svo stöddu. „Við þurfum að sjá hvað önnur ríki eru að hugsa,“ sagði Svandís. „Sum ríki eru ekki einu sinni komin áleiðis með að upp­lifa sinn topp,“ benti Svandís á.

Hún sagði ákvörðun um ferða­tak­mark­anir vera flókið sam­tal á milli ríkja. Hún greindi frá því að íslensk yfir­völd væru í stöð­ugu sam­tali við önnur ríki. „Við erum að eiga sam­töl við Norð­ur­löndin, Evrópu og fleiri hluta heims­ins,“ sagði Svandís.