SÁÁ álfurinn verður stafrænn í ár

SÁÁ og Svartigaldur hafa gert með sér sam­komu­lag um að útbúa staf­ræna útgáfu af álf­inum 2020. Álfasala SÁÁ hefur verið mik­il­væg­asta fjár­öfl­un­ar­leið sam­tak­anna í 30 ár en í ljósi þeirra aðstæðna sem kór­ónu­veiru­far­ald­ur­inn hefur skapað í sam­fé­lag­inu, varð ljóst að salan gat ekki farið fram með hefð­bundnum hætti.

„Í tengslum við frétta­flutn­ing af þeim fjár­hags­legu áskor­unum sem sam­tökin standa frammi fyrir höfðu for­svars­menn Svarta­gald­urs sam­band til að kynna fyrir okkur nýjar aðferðir í álfasöl­unni,“ segir Ásgerður Björns­dóttir, fram­kvæmda­stjóri SÁÁ í frétt á vef­síðu sam­tak­anna.

„Hug­myndin er alveg frá­bær og byggir á því að selja staf­ræna útgáfu af álf­inum sem fólk getur póstað á sam­fé­lags­miðlum og þannig vakið athygli ann­arra á stuðn­ingi sínum og á þann hátt stuðlað að auknum sýni­leika álfs­ins.“

Frá upp­hafi hafa rúm­lega 26 þús­und ein­stak­lingar komið í með­ferð til SÁÁ en fjár­munir sem safn­ast í álfasöl­unni renna beint inn í með­ferð­ar­starfið og tryggja að hægt sé að bjóða fólki bestu fáan­legu þjón­ustu.