Þjóð­þekktir Íslend­ingar létu ýmis áhuga­verð ummæli falla í vik­unni.

„Nú bara verða allir að virða ákvæði um sam­komu­bann, fjölda­tak­mark­anir og æski­lega fjar­lægð milli ókunn­ugra. Allir hlýði Víði!“
Guðni Th. Jóhann­es­son, for­seti Íslands, hvetur þjóð­ina til að fara að fyr­ir­mælum Víðis Reyn­is­sonar yfir­lög­reglu­þjóns.

„Aldrei nokkurn tím­ann hefði ég trúað því að nákvæm­lega ári eftir fall WOW air væri nán­ast hvert ein­asta flug­fé­lag í heim­inum á barmi gjald­þrots og að leita á náðir ríks­valda um rík­is­að­stoð með einum eða öðrum hætti.“
Skúli Mogensen, athafna­maður og fyrr­ver­andi for­stjóri WOW air.

„Við þessar aðstæður vonar maður að frjáls­lyndu umbóta­öflin átti sig á mik­il­vægi inn­lendrar mat­væla­fram­leiðslu og að almanna­hags­munir felist í því að hér sé sam­keppn­is­hæfur land­bún­aður og sjáv­ar­út­vegur. Einnig ætti öllum að vera nú ljóst, líka lýðs­leikju­flokk­unum, að Brus­sel­valdið hefur engan áhuga á ein­stökum ríkjum sam­bands­ins. Þar á bæ er hver sjálfum sér næstur þegar eitt­hvað bjátar á.“
Brynjar Níelsson, þing­maður Sjálf­stæð­is­flokks­ins.

„Við­skipta­blaðið birtir hér rasískan og Trumpískan óhróður byggðan á hálf­sann­leik og slúðri. Íhaldið á bágt þessa dag­ana, svo mikið er víst.“
Þór­hildur Sunna Ævars­dóttir, þing­maður Pírata, gagn­rýnir Við­skipta­blaðið fyrir að kalla COVID-19 far­ald­ur­inn Kína­plág­una, heiti sem Trump not­aði yfir far­ald­ur­inn þar sem veiran er talin eiga upp­tök sín í Wuhan í Kína.

„Kór­ónu­veiran er við­vörun til mann­kyns­ins um að við verðum að breyta lífs­stíl okkar og það hratt.“„Kór­ónu­veiran er við­vörun til mann­kyns­ins um að við verðum að breyta lífs­stíl okkar og það hratt.“
Sig­ur­steinn Másson, fjöl­miðla- og dag­skrár­gerð­ar­maður.

„Ég er líf­hrædd í fyrsta sinn á ævinni.“
Steinunn Ólína Þor­steins­dóttir, leik­kona og fjöl­miðla­kona, er áhyggju­full vegna COVID-19 far­ald­urs­ins.

„Viðbrögð við yfir­vof­andi vanda verða að byggj­ast á góðum grunni til fram­tíðar í stað þess að senda vél­ina bara í við­gerð. Það þarf bæði að gera við og upp­færa.“
Björn Leví Gunn­ars­son, þing­maður Pírata, um aðgerð­ar­pakka rík­is­stjórn­ar­innar.

„Áfengis- og vímu­efna­sjúk­lingar geta ekki horft upp á sam­tökin, sem helst ættu að berj­ast fyrir hags­munum þeirra og rétt­indum, fuðra upp í valda­bar­áttu og að yfir­gangur örfárra stefni með­ferð­ar­úr­ræðum fjöld­ans í hættu.“
Gunnar Smári Egilsson, athafna­maður og sós­í­alista­for­ingi, um átökin innan SÁÁ.

„Með ósann­indi og hálf­sann­leik að vopni er reynt að sá efa­semda­fræjum í huga fólks. Þrátt fyrir að margir láti sér fátt um finn­ast (sem betur fer), liggur óhróð­ur­inn eftir eins og tyggjó­klessa, sem erfitt getur reynst að hreinsa upp að fullu, eins og jafnan er um tyggjó­klessur.“
Birgir Hrafns­son tón­list­ar­maður gefur lítið fyrir gagn­rýni Frosta Sig­ur­jóns­sonar á aðgerðir stjórn­valda vegna COVID-19. Þótt hann nefni Frosta aldrei á nafn fer ekki á mála um hvern Birgir er að tala.