Meðal þeirra aðgerða sem stjórn­völd hafa ráð­ist í til að bregð­ast við efna­hags­á­hrifum  COVID-19 far­ald­urs­ins er að heim­ila fólki úttekt á sér­eigna­sparn­að­inum sínum.

Björn Berg Gunn­ars­son deild­ar­stjóri grein­ingar og fræðslu Íslands­banka bendir á að fólk ætti ekki að leika sér að því að taka þennan sparnað út bara vegna þess að það stendur til boða.

Veitt verður heim­ild til að taka út sér­eign­ar­sparnað að hámarki 800.000 krónur á mán­uði í 15 mán­uði. Björn benti á í sam­tali sínu við morg­un­út­varp Rásar 1 og Rásar 2 í morgun að þetta væri dýr­mætur sparn­aður og að fólk þyrfti að meta hvort þessi sparn­aður muni nýt­ast betur núna eða í fram­tíð­inni. Hann segir úrræðið gott fyrir fólk sem virki­lega þarf á þessu fé að halda til að nota í erf­iðum aðstæðum.

Hann segir að fólk ætti ekki að túlka úrræðið sem hvatn­ingu til að taka út sparn­að­inn. „Allir sem sjá fyrir sér að kom­ast í gegnum þetta tíma­bil [án þess að taka sparn­að­inn út] ættu að halda sig við upp­haf­legt mark­mið þessa sparn­aðar,” sagði Björn. Hann segir sparn­að­inn vera „óskap­lega verð­mætan“ og því ætti fólk að hugsa sig vand­lega um áður en það ákveður hvort nauð­syn­legt sé að taka hann út.