„Íslend­ingar eru þekktir fyrir að gef­ast ekki upp þó á móti blási. Nú upp­lifum við óvenju­lega tíma en við verðum að muna að við erum öll á sama báti. Þetta er tíma­bundið ástand og mik­il­vægt að allir leggi hönd á plóg eins og kostur er”, segir Jóhannes Ásbjörns­son, tals­maður Gleðip­inna.

Fyr­ir­tækið sendi frá sér til­kynn­ingu um hvernig veit­inga­staðir þess munu fram­fylgja sam­komu­bann­inu sem tekur gildi aðfar­arnótt sunnu­dags og má sjá hana hér fyrir neðan.

Svandís Svav­ars­dóttir, heil­brigð­is­ráð­herra, lýsti í dag yfir að sam­komu­bann tæki gildi þann 16. mars nk. og muni vara í fjórar vikur. Gleðip­innar, rekstr­ar­að­ilar Saffran, Ham­borg­arafa­brikkunnar, American Style, Roadhouse, Aktu Taktu, Eldsmiðj­unnar, Kaffi­vagns­ins, Keilu­hall­ar­innar, Shake&Pizza, Blackbox og Pítunnar, vilja koma eft­ir­far­andi til­kynn­ingu á fram­færi af því til­efni.

Opn­un­ar­tímar og aðrar aðgerðir:

Allir veit­inga­staðir Gleðip­inna verða áfram opnir en fyr­ir­mælum Sótt­varn­ar­læknis og yfir­valda verður fylgt og staðan metin dag­lega.

Skipu­lögðum við­burðum í Keilu­höll­inni, svo sem Pub Quiz, bingóum og tón­leika­haldi, verður frestað á meðan á sam­komu­banni stendur.

Einungis önnur hver keilu­braut verður í notkun hverju sinni. Spritt og einnota hanskar eru við allar brautir og eru allar kúlur og brautir sótt­hreins­aðar reglu­lega yfir dag­inn.

Borða­skipan á veit­inga­stöðum verður skipu­lagt eins og frekast er unnt til að fylgja nálægð­ar­tak­mörk­unum.

Spritt er aðgengi­legt á öllum stöðum og álags­snertifletir líkt og hurða­húnar, hand­rið, og greiðslu­posar eru sótt­hreins­aðir með reglu­bundnu milli­bili.

Sér­stakar aðgerðir til að þjón­usta við­skipta­vini okkar sem best í breyttum aðstæðum:

Frítt að borða fyrir börnin. Í gildi allan opn­un­ar­tíma veit­inga­stað­anna, alla daga vik­unnar

Öll börn borða frítt á veit­inga­stöðum (í sal) Gleðip­inna næstu fjórar vik­urnar eða þar til sam­komu­banni er aflétt. (Einn barna­réttur fylgir hverjum seldum aðal­rétti)

Öll börn borða frítt í Take away á eft­ir­töldum stöðum Gleðip­inna næstu fjórar vik­urnar eða þar til sam­komu­banni er aflétt: Ham­borg­arafa­brikkan, Pítan, Shake&Pizza, Blackbox, American Style og Roadhouse.  (Einn barna­réttur fylgir hverjum seldum aðal­rétti)

Aktu taktu stað­irnir fjórir, við Skúla­götu, í Stekkj­ar­bakka, í Ásgarði og Fells­múla, afgreiða allir í gegnum lúgu. Í vinnslu er að opna Aktu Taktu við Skúla­götu allan sól­ar­hring­inn næstu vik­urnar með það að mark­miði að geta boðið fólki á næt­ur­vöktum sem er undir miklu álagi þjón­ustu í gegnum lúgu.

Eft­ir­taldir veit­inga­staðir Gleðip­inna senda heim með Aha heim­send­ing­ar­þjón­ustu: Blackbox, Eld­smiðjan, Fabrikkan, Pítan, Roadhouse, Shake&Pizza. Hafa ber í huga að mikið álag hefur skap­ast í heim­send­ingu hjá Aha og tekur bið­tími mið af álagi hverju sinni.